Uweig̃ asom mītꞌīn kaꞌiwat.

TUPANA EHAY TOꞌE

— Mītꞌīn kaꞌiwat toig̃neꞌen ahiag̃. (Ewesu 2:2 - Tupana Ehay)

— Tupana Saꞌyru yne ahiag̃ minug̃ saꞌag̃ koꞌi momã hamo tuwemoherep. (1 Iuwãu 3:8)

KAT POTE ASOM WAKU WATIKUAP MESŪWAT ETIAT

Etikuap poꞌog̃ hamo

kat pote mesūwat yi hawopy saꞌag̃ koꞌi wo. (Iesui Aru e Hap 12:12)

kat pote etimohey kuap hamo ereig̃neꞌen hamuat mesūwat yi tote woꞌowese hap wȳwo iꞌewȳte hampȳk hap wȳwo. (1 Iuwãu 2:17)

WATIMOHEY KUAP ASOM TUPANA EHAY ETE

Miꞌitā̃ kuap. Maꞌato kat pote asom.

• Ȳt pyaꞌi raꞌyn ahiag̃ porekuat momã hamuat hap. Tupana Ieuwa ȳt tikyꞌesatꞌi poꞌog̃ ahiag̃ mītꞌīn porekuatno hap miꞌi pote toimomã terān kahato raꞌyn ahiag̃ minug̃ saꞌag̃ koꞌi wȳwo. Tupana ti akit hamuat ri ahiag̃ akag̃. (Humanu 16:20)

• Tupana Ieuwa tiꞌaira raꞌyn Iesui aiporekuatno. Ahiag̃ tenentup tewowi yn miꞌi haype ti tohoꞌomosoꞌopot mītꞌīn. Maꞌato Iesui tuweupi kahato ikai. Tupana Ieuwa henoi Iesui aiporekuat nuat hap etiat — Miꞌi hawyi mekewat eꞌāt pe ti aru ihakyꞌeꞌi rakaria ȳt hekatꞌi rakaria tuwẽpowat hewowi hawyi iꞌatupowȳro kahato hat no. (Saumu 72:12)

• Tupana Ieuwa ȳt hesoꞌi. Tupana Ehay toꞌe — Tupana ȳt heso kuapꞌi. (Epereu 6:18) Tupana ihay pȳwo piat yn torānia tehay koꞌi ti tutunug̃ yne hamuat. (Isaia 55:10, 11) Katupono korā̃ wuat iꞌatuporekuat ahiag̃ mesuwarotiat Tupana tisopo hamuat. (Iuwãu 12:31)