MWAKUTEPULWILA KU BISHOTI
Banu Basa Kuyoya kwa Kujeneka Bishoti
Mana a mu Mbimbiliya asa kutukwasa tujeneke kushota manene mbunge ha byuma bije kutwapandele kushota mbunge. Kutwasa kumanesa byuma byoshe bije bili na kutunenela bishoti. Oloni Ishamatanga asa kulinga ngoco. Co nangula Yesu Kilistu mangana atukwase. Ololo Yesu alingila banu boshe byuma byabibwa manene kutubakana bije byalingile ha simbu yezile hano hasi. Cakumwenako:
YESU AKAKANGWISA LALO BAKA-KUBINJA.
“Bamunenelele baje boshe bakele na kubinja, bakele na mishongo yakulisezaseza yoshe . . . , co Yesu wabakangwisile boshe.”—MATEO 4:24.
YESU AKAKWASA BANU BOSHE BAKAKALE NA BINJUBO NA BYAKULYA.
Baje bakakala mu Bumwene bwa Njambi “Bakatunga binjubo byabo, co bakakuna bitungu bya mikolobozi ya bushuka bwa binyu na kulya bushuka bwakwo. Kubakatungila bakwabo beka binjubo, co lalo kubakakunina bakwabo beka bitungu bya mikolobozi ya bushuka bwa binyu ngeci balye.”—ISAYA 65:21, 22.
CIYULO CA YESU CIKALINGISA BANU BOSHE BAKAKALE MWAMUBWA MU KWOLOKA.
‘Mwene akalinga mu busunga banu boshe, kukakala kwoloka simbu yoshe noho ngonde yahi. Bumwene bwendi bukashangumukila ku mema a kalunga, kuketa na ku mema a kalunga akwabo. Bukatunda ku Ndonga ya Yufuleti na kweta ku shongo ya kaye. . . . co bitozi bendi bakanyonga.’—MYASO 72:7-9.
YESU AKAMANESA KAANGU.
“Azibila mema ku mbunge baka-kuzeya na tuhutu, co amena boshe baje banajeneka. Ikeye abamena kuli baka-muka, na kuli baka-kubalinga mwamubi.”—MYASO 72:13, 14.
YESU AKAMANESA LALO TUYANDO NA BUTSI.
“Kukukakala kutsa nambe busiwa nambe kulila nambe kukemanga.”—KUJOMBOLOLA 21:4.