Kuzibuka Ishamatanga Kutulingisa Tushwenye Kuli Ikeye
Njambi kapwile lika cuma ca nzili. Wakala na bifwa byabibwa. Co ashaka ngwendi tulilongese byendi na kushwenya kuli ikeye. (Yowano 17:3; Yakomba 4:8) Mukemwo natwana biñanda bije bitukwasa tumuzibuke.
Ishamatanga Wakala na Lizina
“Banu bazibuke ngwabo, yobe wa lizina lya Yehova, yobe lika wapwa Wahakamwa Manene hasi hoshe.”—MYASO 83:18 NWT.
Mbimbiliya ngwayo Yehova ikeye lika Njambi wa busunga. Ikeye watangele lilu na kaye na byuma byoshe bya kuyoya. Ngeci, ikeye lika itunapande kulemesa.—Kujombolola 4:11.
Yehova Njambi Wakala na Cizemo
“Njambi wapwa cizemo.”—1 YOWANO 4:8.
Mbimbiliya na byuma bya kutanga bimwesa bifwa byabibwa byakala nabyo Yehova. Cizemo cikeco cifwa cakama manene ku bifwa byakala nabyo Yehova. Cikeco cikamulingisa alinge byuma byoshe byakalingi. Kulilongesa manene bya Yehova kutulingisa tumuzeme manene.
Yehova Njambi Wapwa Muka-kukonekela
“Yobe wapwa Njambi muka-kusambesa.”—NEHEMIYA 9:17.
Yehova azibuka ngwendi kutwalumbunukile mukemwo akatukonekela. Nga tumulomba ngwetu atukonekele na kulinga mwoshe mutwasela kujeneka kwilukila kulinga bubi butunalingi, co atukonekela. Co lalo kakatwana kashitiko mwafwa ya byuma bitunalingile kunima.—Myaso 103:12, 13.
Yehova Ashaka Ngwendi Tulombele Kuli Ikeye
‘Njambi ali muyehi na baje boshe batambeka kuli ikeye, aziba mitambi yabo, co abamena.’—MYASO 145:18, 19.
Njambi kashaka ngwendi tukabangeye bisemwa bya banu nambe kupangesa tumponya omwo tumulemesa. Akatolilila ku malombelo etu ngwe bisemi mubakatolilila bana babo.