MUTAMBA 9

Paladaisi Ikaija Mwaka Uka?

Bukalu butuli na kumona hano hasi bumwesa ngwabwo Bumwene bwa Njambi ololo bwija. Luka 21:10, 11; 2 Timateo 3:1-5

Bukalu bubali na kumona banu muno mu matangwa a kukotoka: linyanyamena, binzita, mishongo, binjala, kujeneka kwononoka bisemi na kulilwisa mu binaanga

Mbimbiliya yendekele laja byuma bije bili na kulingiwa muno mu matangwa etu. Yendekele ngwayo banu bakapwa baka-kuzema bimbongo, baka-kujeneka kwononoka ku bisemi babo, baka-bukalu, co lalo baka-kuzema senga.

Yendekele lalo ngwayo kukakala mandunduma akama, binzita, binjala na mishongo yaibi. Ebi byuma, bili na kulingiwa muno mu matangwa etu.

Mukaleho wa Yehova ambulwila munu muzimbu waubwa

Yesu wendekele lalo ngwendi muzimbu waubwa wa Bumwene bakawambulula mu kaye koshe.—Mateo 24:14.

Bumwene bwa Njambi bukatundisa byuma byabibi byoshe. 2 Petulu 3:13

Banu bababi banabanyongesa ha Alamangindone, co Satana na bandemone bendi babana kashitiko

Ololo Yehova anyongesa banu bababi boshe.

Satana na bandemone bendi bakabana kashitiko.

Yesu natumbama ha litanda lyendi lya bumwene mwilu, co banu ba ku miyati yoshe banabwahelela

Baje batolilila Njambi bakoboka na kukobela mu kaye kakaha. Banu kubakazibi lyoba lalo, oloni bakalikulahela na kulizema umo na mukwabo.