Vika Viyendeka Mbimbiliya?

Liyavolo ikeye iya?

MWENDEKA NGWENI Liyavolo wapwa . . .

• Munu wa ku sipilitu ndi?

• Chimwetho cha vuvi vuli mu mbunge ya munu ndi?

• Chuma chivakathinganyeka lika vanu ndi?

VIYENDEKA MBIMBILIYA

Liyavolo wendekele na Yesu ‘mwamwethekele.’ (Mateo 4:1-4) Liyavolo kwakala mpundu, kapwile chuma cha kuthinganyeka nambe chimwetho cha vuvi lika embwe. Wapwa munu wamuvi wa ku sipilitu.

VYUMA MUKA VIKWAVO VITWATHA KULILONGETHA MU MBIMBILIYA?

• Liyavolo wapwile kangelo wa kujela, oloni katwaleleho kupwa “muka-vuthunga embwe.” (Yowano 8:44) Watengulukile kupwa muka-makuli na muka-kutengulukila Njambi.

• Tungelo vamo valikwatathanene na Satana mu kutengulukila Njambi. —Kujombolola 12:9.

• Liyavolo nathzivaletha vanu vavangi mangana kethi vananguke ngwavo kwali.—2 Kolinte 4:4.

Satana atha kutwamenena vanu ndi?

VAMO VAKENDEKA NGWAVO Liyavolo katha kungumuna vanu, veka vatava ngwavo mindthzindthzime ya kujwala yatha kuvayandetha. Yeni cho muthinganyeka vati?

VIYENDEKA MBIMBILIYA

‘Kaye koshe kali mu ndthzili ya uje Liyavolo.’ (1 Yowana 5:19) Liyavolo ali na ndthzili ya kungumuna vanu, oloni katha kwendetha munu woshe-iwoshe.

VYUMA MUKA VIKWAVO VITWATHA KULILONGETHA MU MBIMBILIYA?

• Liyavolo akapangetha makuli mangana ongumune vanu vavangi.—2 Kolinte 11:14.

• Mindthzindthzime ya kujwala thimbu imo ikendetha vanu.—Mateo 12:22.

• Njambi atha kumikwatha ‘muvyane Liyavolo.’—Yakomba 4:7.