Vihula Vya Vaka-kutanda

Nga vanu vaje kanda valyambate vakala likalyavo vuthsiki vwoshe kwa kujeneka vukalu vwakama vunavalingitha ngocho, kuma ovu vunapu vuvi vuje vuvanapande kutala vaka-komiti ya kuthompa ndi?

Eyo nga kukwethi vukaleho vwa kushula vumwetha ngwavo kunakele vukalu vwakama vunavalingithile ngocho, cho vaka-komiti ya kuthompa vanapande kutala oyo ñanda mu ngila ya kumona ngwavo vanalingi vupangala.—1 Koli 6:18.

Chivunga cha vakulunu vanapande kuyongola mwamuvwa mangana vamone indi kunapande kukala vaka-komiti ya kuthompa. Chakumwenako: Kuma ava vanu vali na viyongola vya kulyambata ndi? Kuma vavanangwile lalo ha vyuma vimo mu likwatathano lyavo ndi? Vyuma muka vyavalingithile vakale vuthsiki vwoshe hamo lika? Kuma vayongwelele chimweja kukala hamo ndi? Kuma kuli vyuma vimo vivanapandele kulinga, indi kuli vukaleho vumwetha ngwavo vanakala mu vukalu, indi hamo vanonowele mwakulingila mwafwa ya luvinda luje lwavalingithile vakale hamo lika vuthsiki vwoshe ndi? (Kwambu 9:11) Vanalalele kuli? Kuli vyuma vikwavo vivanapande kwaka mu vithinganyeka vakulunu mwafwa kuli vyuma vyavivingi vyatha kulingitha vanu vakale hamo vuthsiki vwoshe.

Munima ya kutondethetha mwamuvwa vyuma vyoshe, vakulunu vanapande kumona indi kunapande kukala vaka-komiti ya kuthompa