Tembwinineni Kukulahela Kwavo
1. Livulu muka litukashangumuka kulilongetha mu thimano ya October 19, mu Chilongetha cha Mbimbiliya cha Chikungulukilo?
1 Kushangumuka thimano ya October 19, 2015 tukashangumuka kulilongetha livulu lya silozi lya Tembwinineni Kukulahela Kwavo mu Chilongetha cha Mbimbiliya cha Chikungulukilo. Eli livulu lyathimutwiya mwamuvwa viñanda vya mu Mbimbiliya vya kukulahela kwa vanalume na vanakathzi vakupwa 14. Mutulitanda, tulinga vene ngwe tuli na kuvamona muvali na kulipika na vyetheko mu kupangela Yehova. Eli livulu lyatha lalo kutukwatha kuthzivuka mutwatha kutembwinina ava vanu matangwa ano.—VaHe. 6:12.
2. Lumbununeni vyuma vili mu livulu lya Tembwinineni Kukulahela Kwavo.
2 Vyuma Vilimo: Omu mu livulu muli vichati na vimapu vije vitukwatha kuthzivuka thimbu na mutamba kwayoyele munu ivanendeka. Cho lalo mu kapetulu na kapetulu muli ñanda yendeka ngwayo “Vyuma vimunapande kuthinganyekaho. . . ,” ije ikatukwatha kuthinganyeka ha chilongetha kupangetha vyuma vitunalilongethaho. Omu mu livulu lalo muli vikupulo vyavivwa vije vitukwatha kumona vene ngwe netu kutwakele.
3. Vika vitunapande kulinga mangana vilongetha vyomu mu livulu vitukwathe?
3 Vimunapande Kulinga Vije Vimikwatha: Mukanda wa Munga ya Vaka-kutwamenena uje uli ku maputukilo eli livulu watushongangeya ngwawo: “Thinganyekeni ngwe neni kumwakethele. Ethekeni kulithziva muvalithzivilile vanu vavanathonekamo na kulinga ngwe neni muli na kumona vyuma vivamwene. Thinganyekeni muvalingilile vyuma vimo. Cho lyetheketheni navo na kuthinganyeka mumunethi kulingilile yeni ngwe kumwakele.” Echi kuchilumbununa ngwavo tuthinganyeke manene, oloni tushaka lika kumona vinanda vya kuhwiminina vitutanda mu vithinganyeka na kuthzivithitha mwamuvwa vyuma vivaliwanene navyo vanu va muMbimbiliya. Kulinga ngocho kukashaka thimbu na kuthinganyeka. (Neh. 8:8) Nga chilongetha chishangumukila ha mapalangilafu a hakati ka kapetulu, cho muka-kutwamenena avanga kwituluka mu vilongetha vya mu mapalangilafu a hanima mu masekondi akupwa 30 nambe 60. Natha kwihulako chihula chimo nambe vivali vya kwituluka, oloni kapandele kwihula vihula vya mu chipalo cha “Vyuma vimunapande kuthinganyekaho. . . . ”
4. Kulilongetha livulu lya Tembwinineni Kukulahela Kwavo kutukwatha vati?
4 Tuli na kuyoya mu kaye kaje katha kuthzeyetha likulahelo lyetu. Eli livulu na Kaposhi ka Kukengela muje muvanatunditha viñanda vili omu mu livulu, vyapwa vwana vwa kutunda kuli Yehova vuje vwatha kukanyametha kukulahela kwetu. (Yak. 1:17) Tulinga mwamuvwa kukalakala ku Chilongetha cha Mbimbiliya cha Chikungulukilo thimbu yoshe na kukumbulula ha thimbu ya kulilongetha eli livulu