Kupangetha Mbuloshuwa ya Muthzimbu Wauvwa mu Kulongetha
1. Mbuloshuwa ya Muthzimbu Wauvwa vanai-vwahethela vika?
1 Ngechi lika mutunathimutwiyiye mu Chipangi Chetu cha Vumwene cha July, Mbuloshuwa ya Muthzimbu Wauvwa wa Kutunda Kuli Njambi! Inapu chinoma cha kulema cha mu chikasha chetu. Kuvapangethelemo manene majwi mpundu a mu Mbimbiliya, mangana vavenya njuvo nendi athe kulitandelawo mu Mbimbiliya. Eyi Mbuloshuwa inalithethze na mavulu akwavo mwafwa ikeyo vanaivwahethela kulilongetha, kethi ya kutanda munu likalyendi. Ngechi, nga tuyana munu mu lihya, tunapande kumumwetha mwakulilongethelayo mangana alimwene vuvwa vwa kulilongetha muthzimbu wauvwa kutundilila mu Mbimbiliya.—Mat. 13:44.
2. Twatha kupangetha vati mbuloshuwa ya Muthzimbu Wauvwa ha vungendthzi vwa kulivanga?
2 Ha Vungendthzi vwa Kulivanga: Unatha kwendeka ngwove: “Vanu vavangi muno mu kaye, vanalishoshomwa ha vyuma vikalingiwa kulutwe. Muthinganyeka ngweni vukalu tangwa vukahwa ndi? [Vandamena akumbulule.] Mu Mbimbiliya mwakala muthzimbu wauvwa uje watha kutukwatha kukala na chinyangavili. Taleni vihula vimo viyinakumbulula Mbimbiliya.” Ana Mbuloshuwa kuli vavenya njuvo, cho mulombe angule chihula ha liputa lya kunima. Mumwethe mumulilongethela kupangetha palangilafu ya kulivanga ili ha chilongetha chanangula. Ngila ikwavo inapu kwihula vavenya njuvo chihula chije chinakundama ha chilongetha chiunangula chije chishangumuna lihwila, cho mumwethe omwo mbuloshuwa yatha kumukwatha kuwana vikumbululo mu Mbimbiliy.
3. Mwatha kutwamenena vati chilongetha kupangetha mbuloshuwa ya Muthzimbu Wauvwa? Lumbununeni.
3 Mwakutwamenenamo Chilongetha: (1) Tanda vihula vili na vinambala vya mu vulombo vwa kuthzivala mangana ukwathe vavenya njuvo kuthzivuka vithimpi vyakama. (2) Tanda palangilafu ije inakavangeyaho. (3) Tanda vithoneka vili ku mamanethelelo a palangilfu vivanajendeka cho ihula vavenya njuvo vihula vije vimukwatha kuthzivuka omwo vithoneka vinakumbulula chihula cha mu vulombo vwa kuthzivala. (4) Nga kuli palangilafu ikwavo ha chihula vene ocho, cho kavangeya lalo thmpi 2 na 3. (5) Ihula vavenya njuvo chihula chamu vulombo vwa kuthzivala mangana umone indi nathzivithitha mwamuvwa. Nga walilongetha nendi lwalwingi na kumona ngwove ashaka kulilongetha Mbimbiliya, munatha kutwalelelaho mu mbuloshuwa nambe kushangumuka kulilongetha mu Bibele I Lutani?.
4. Vika vitukwatha kupangetha echi chinoma mu vutongwe?
4 Lithzilithe kupangetha echi chinoma cha ulema. Chipangethe ha thimbu inapande. Thimbu kanda uye na kulilongetha na munu, livwahethele mwakumukwathela kuthzivithitha vithoneka vya mu chilongetha. (Vis. 15:28; Vil.17:2, 3) Nga upangetha eyi Mbuloshuwa mu vutongwe, cho uyimona kupwa chinoma chachivwa cha kupangetha mu kulongetha vuthunga!