Chipangi Chetu cha Kutunga na Kuvwahetha Myela ya Kulemethela Njambi

Ha kutunga tembele mu Isalele, vanu vapandele kupanga na ndthzili na kwana vyuma vyavingi. Oloni vaIsalele vapangele chipangi echi na ntwima. (1Mi. 29:2-9; 2Mi. 6:7, 8) Ngila ivanyungililemo tembele hanima ya kuitunga yamwethele vaIsalele ngwavo vakele mbunge ku vyuma vya ku sipilitu indi embwe. (2Vi. 22:3-6; 2Mi. 28:24; 29:3) Na matangwa ano, vaka-Kilisitu vakaka mbunge ku kutunga na kujeletha na kunyunga mwamuvwa Vinjuvo vya Vumwene na Vinjuvo vya Viwano Vyakama. Kupangela hamo na Yehova mu ngila eyi, kwapwa kuvethzika kwakama, cho lalo chapwa chipangi cha kujela.—Mya. 127:1; Kuj. 7:15.

TWATHA KUPANGELA HAMO . . .

• 

  Mu kujeletha njuvo ya kukungulukila hanima ya viwano. Nga kumwatha, cho jeletheni hamunatumbamena.

• 

  Mu kulyana thimbu yoshe mu vipangi vya kujeletha na kuvwahetha Njuvo ya Vumwene. Chipangi cha vanu vavangi chikanene kuvwahelela, cho chikapu chachathi manene.—lv-SK lipu. 92-93 pala. 18.

• 

  Mu kulambula vimbongo. Nameme kulambula ‘tumbongo tuvali twa vunengu twatundondo’ kutundilila kwithi ya mbunge, kukathzivitha Yehova kuvwaha.—Mak. 12:41-44.

• 

  Mu kukwatha kutunga na kuvwahetha myela ya kukundwiya Vumwene vwa Njambi nga chitava. Kethi muthinganyeke ngweni kuvanga muthzivuka kutunga athinoni mukwathe embwe.