Mwatha Kulingako Echi Chipangi mu Mwaka Umo Lika Ndi?

Chipangi muka? Cha vupayiniya vwa thimbu yoshe. Mulikuwa vivethzikitho vyavingi manene.—Vit 10:22.

VUPAYINIYA VUMIKWATHA . . .

• kupwa muka-kwambulula wa kuhya na kulikuwa chipangi cha kwambulula

• kukanyametha vuthamba vweni na Yehova. Oku kumikwatha lalo kuthzivuka vifwa vya Yehova vya kukomoketha omwo mwendeka vya Yehova thimbu yoshe

• kulimwena vuvwa vwa kutwameka vya Vumwene kulutwe, na kujolela kuje kutunda mu kukwatha vakweni, kutuvakana kuliyoyela lika yeni vavenya—Mat 6:33; Vil. 20:35

• kukala ku chiwano cha vapayiniya omwo ntwama wa kuthzenguluka endela chikungulukilo, nambe ha chiwano cha chitingitingi nambe kukovela Sikola ya Vipangi vya Vapayiniya

• kuwana vingila vyavingi vya kushangumuka na kutwamenena vilongetha vya Mbimbiliya

• kupanga thimbu yalaha na vakweni vaka-kwambulula na kulikuwa kulitakametha umo na mukwavo.—Lom 1:11, 12