Myatho ya Vumwene Ikatutakametha

Paulu na Silasi vakele na kwimba myatho ya kuthzumbangeya Njambi omwo vakele mu kamenga. (Vil 16:25) Vaka-kukulahela vembile myatho ya Vumwene omwo vakele mu chilombo cha vafunge cha Sachsenhausen mu vithimbu vya vaka-Nazi ku Germany nomwo vakele mu vundthzinda mu Siberia. Eyi myanja ivali imwetha omwo myatho ikatakametha vaka-Kilisutu vaje vali mu vyetheko.

Livulu lya myatho lyaliha lya ‘Imbeni mu Kuvwahelela’ kuli Yehova ololo lituhuka mu vindaka vyavingi. Omwo tutambula eli livulu, tulilongetheni myatho ilimo ha thimbu ya kulemetha kwa nanga mangana tuikwate. (Efe 5:19) Cho sipilitu ya kujela itukwatha kuyanuka omwo tuliwana na vyetheko. Myatho ya Vumwene itukwatha kukala na lilavelelo lya vyuma vya kulutwe. Yatha kututakametha nga tuli mu vyetheko. Nameme kutwethi mu vyetheko, tunatha ‘kwimba mu kuvwahelela’ mangana tushuvuluke. (1Mi 15:16; Mya 33:1-3) Tulifwiteni kwimba myatho yetu ya Vumwene thimbu yoshe.

KENGENI VINDIYO YA MWATHO UJE WATAKAMETHELE VAKA-KUPANGA, CHO KUMBULULENI EVI VIHULA:

• Vika vyanenethele ngwavo Ndolome  Frost athoneke mwatho?

• Owo mwatho watakamethele vati vandolome vaje vakele mu chilombo cha vafunge cha Sachsenhausen?

• Myatho ya Vumwene ikatutakametha mu vingila muka?

• Mwatho muka wa Vumwene umushaka kukwata mu mutwe?