Ononokeni Mashiko a Yehova a Kujela

Yehova Njambi naka mashiko avanapande kwononoka vanu. Chakumwenako, Njambi nendeka ngwendi vanu vaje valyambata vanapande kutwalelelaho kunyunga vulo vwavo. (Mat 19:4-6, 9) Njambi wathzinda vupangala. (1Kr 6:9, 10) Nana vanu vendi mashiko aje avakwatha vathzale na kusholoka mwamuvwa.—Kwi 22:5; 1Ti 2:9, 10.

Matangwa ano, vanu vavangi mu kaye vakavyana mashiko a Yehova. (Lom 1:18-32) Vakashaka kukavangeya vithinganyeka vya vanu ha thzalethi na sholokethi na futithi yavo. Cho vakasholola vilinga vyavo vyavivi na kwendeka mwamuvi vaje vali na futithi yaivwa.—1Pe 4:3, 4.

Ha kupwa Vakaleho va Yehova, tunapande kwononoka mashiko a Njambi. (Lom 12:9) Mu ngila muka? Tunapande kuleka vanu vathzivuke vyuma vyashaka Njambi. Cho lalo, futithi yetu inapande kupwa yaivwa. Chakumwenako, nga twangula vuthzalo, tunatha kulihula ngwetu: ‘Vuthzalo vunjithzala vumwetha ngwavo njinononoka mashiko a Yehova indi a ku kaye? Thzalethi yange ikanjisholola kupwa munu uje athingimika Njambi ndi?’ Nambe nga twangula kuyongola filimu imo nambe vweho vumo ha TV, cho tulihuleni ngwetu: ‘Evi vyuma vinjishaka kuyongola, vyatha kuthzivitha Yehova kuvwaha ku mbunge ndi? Vikundwiya mashiko eya? Vyuma vinjinangula vyatha kunjithzeyetha ku sipilitu ndi? (Mya 101:3) Njitanwitha vaka-nange yange nambe vakwetu ndi?’—1Kr 10:31-33.

Vika kwapila kwa theho kwononoka mashiko a Yehova? Yesu Kilisitu ololo anyongetha vanu vavavi na vyuma vyoshe vyavivi. (Eze 9:4-7) Vaje valinga chithzango cha Njambi vakevo vakovoka. (1Yo 2:15-17) Ngechi, tukundwiyeni mashiko a Yehova mangana vanu vaje vamona futithi yetu yaivwa vashangathzale Njambi.—1Pe 2:11, 12.

KENGENI VINDIYO YA PWA KAVUTHAMBA KA YEHOVA— MUNALUME UMO NA MUNAKATHZI UMO. KUTUNDOHO, THIMUTWIYENI HA VIHULA VINATAKO:

• Vika kwapwila kwa theho kwononoka mashiko a Yehova?

• Mwafwa vika vithemi vanapande kushangumuka kulongetha vana vavo mashiko a Yehova oku vachili vavandondo?

• Vanike na vakulunu vatha kukwatha vati vakwavo mangana vamone vuvwa vwa kutunda kuli Njambi?