Twalelelenio Kukala na Likakateya Omwo Mubandamena

Simbu ya kupwa hali imunabandamena Bumwene bwa Njambi? Mwabubandamena mu kusimpa nameme muli na kulifwita na bukalu ndi? (Lom 8:25) Baka-Kilisitu bamo banaliwana na bukalu bwa kufwa ngwe kubazinda, kubayandesa, kubaka mu tumenga nambe kushaka kubatsiya. Bamo lalo bali na kulifwita na byeseko bya kubinja mishongo ya kujeneka kwola nambe kukulubala.

Bika bitukwasa tutwaleleleo kubandamena Bumwene bwa Njambi nameme tuli mu byeseko? Tunapande kutanda Mbimbiliya ha litangwa na litangwa na kusinganyekesesa bitutanda mangana tukanyamese likulaelo lyetu. Co lalo tunapande kwaka mbunge ku byuma byanatukulaesa Njambi. (2 Ko 4:16-18; Hev 12:2) Tunapande kulomba Yehova atwane sipilitu yendi ya kujela itukwase. (Luk 11:10, 13; Hev 5:7) Tate yetu wa cizemo asa kutukwasa “tukakateye mu byuma byoshe na kusimpa na kujolela.”—Kol 1:11

KENGENI VIDIYO YA ‘KAKATEYENI OMWO MUSHATUKA’—KULAELENI NGWENI MUKATAMBULA CIKANDELELA, KUTUNDAO KUMBULULENI BIHULA BINATAKO:

• 

  “Lubinda” muka lutwasa kuliwana nalwo? (Kwa 9:11)

• 

  Lilombelo litukwasa bati nga tuli mu byeseko?

• 

  Mwafwa bika tunapande kupanga bije bitwasako nga kutwasa kupanga bipangi byabingi mu munga ya Yehova ngwe mutwakele na kupangela?

• 

  Bika bimikwasa mutwaleleleo kukulaela ngweni mukatambula cikandelela?