Bika Bimwasa Kulilongesa Kuli Baje Banapangela Yehova ha Simbu Yailaha?

Mu bikungulukilo byetu muli bandolome na bandokazi baje banapangela Yehova ha simbu yailaha. Twasa kulilongesa byabingi kuli bakebo. Twasa kubehula batuleke byuma binalingiwa mu munga ya Yehova nomu mwanabakwasela Yehova bahyane bukalu bubanaliwana nabwo. Ha simbu ya Kulemesa kwa Naanga twasa kulanyako ndolome umo akutuleke byanaliwana nabyo.

Nga munapangela Yehova ha simbu yailaha, co zitukeni kuleka bandolome ba banike mwanamikwasela Yehova. Yakomba na Yosefa bakele na kuleka baka-naanga yabo byuma byabalingilile Yehova. (Kus 48:21, 22; 50:24, 25) Co mu kwita kwa simbu, Yehova washikile mitwe ya binaanga baleke bana babo byuma byanabalingila Yehova. (Kwi 4:9, 10; Mya 78:4-7) Ano matangwa bisemi na tukulukazi banasa kuleka bandolome na bandokazi ba ba banike byuma byabibwa byanalingi Yehova.

KENGENI VIDIO YA KULIKWATASANA HA SIMBU IBANASHOKO CIPANGI CETU, CO KUMBULULENI BIHULA BINATAKO:

• Munango wa Austria wakwasele bati bandolome mu mafuti muje mubashokele cipangi cetu?

• Bika byakwasele bandolome ba mu mafuti muje mubashokele cipangi cetu bakale na likulahelo lya kukanyama?

• Bika byalingisile baka-kwambulula babangi ba mu Romania balyangunune ku munga ya Yehova, co belukile bati?

• Ebi byuma binakanyamesa bati likulahelo lyeni?