Kulilongetha Kuli Vaka-kwambulula va Kuhya

Twavethzika manene kukala na vaka-kwambulula va kuhya mu chikungulukilo. Vamo vanapangela Yehova mu kulongwa ha myaka yayingi. Veka lalo vanalilogetha ololo kupwa na vutongwe mu kwambulula. Ava vaka-kwambulula, vanalimwena omwo Yesu mwanatwamenena chikungulukilo cha vakaKilisitu mu matangwa ano a kukotoka, na kwametha chipangi cha kwambulula na kupwitha vanu kupwa vandongethi. (Mat. 28:19, 20) Ha kuya na kwambulula, vakapu na “ndthzili ya kushemutuka” ije ikavakwatha nga valiwana na vukalu na vyetheko. (2 Koli. 4:7) Twatha kulilongetha vyavingi kuli ava vaka-kwambulula va kuhya. Vashaka kulongethako vakwavo vyuma vivanalilongetha, nga vawana thimbu ya kulinga ngocho. (Mya. 71:18) Ngechi, tunapande kuwanako thimbu ya kukala navo mangana tulilongethe kuli vakevo. Twatha kulinga vati ngocho?

Mu Lihya. Vaka-kwambulula vavaha vanapande kuvalongetha mangana vambulule vwino. Vatha kulilongetha vyavingi nga vakenga muvakapangela vaka-kwambulula va kuhya. (Kengeni chilongetha chili mu Kaposhi ka Kukengela ka Silozi ka February 15, 2015, cha “Mu Zwelepili ku ba ni Tukufalelo Mwa Bukombwa,” ha palangilafu ya mu chitatu ha kamutwe ka “Ku Tusa Bahasanyi ba Banca.”) Vuvwa muka vumunawana mu kupanga hamo mu lihya na vaka-kwambulula va kuhya?

Mwatha kulanya muka-kwambulula umo wa kuhya mangana mupange nendi mu lihya ndi? Nga ou muka-kwambulula watenguka, cho thimbu imo mwatha kukatwamenena chilongetha cheni cha Mbimbiliya ku njuvo yendi. Hanima ya chilongetha, lombeni ou muka-kwambulula aminangule ha vyuma vyanamono.

Waneni Thimbu ya Kuthikama Navo: Waneni thimbu ya kuthikama na vaka-kwambulula va kuhya mangana muvathzivuke vwino. Lanyeniko umo ku kulemetha kweni kwa nanga na kumwihwothzola. Nga ou muka-kwambulula watenguka, mwatha kuya na kulingila chilongetha cheni cha kulemetha kwa nanga ku njuvo yendi ndi? Mwihuleni amileke mwethzilile mu vuthunga. Vivethzikitho muka vyanalikuwu? Kujovoloka muka kwanamono mu chikungulukilo? Vuvwa muka vwanawana mu kupangela Yehova?

Kethi muthinganyeke ngweni ava vaka-kwambulula va kuhya vathzivuka vyuma vyoshe. Ngechi mwetu tuvavoshe, ava vaka-kwambulula va kuhya navo vali na vwana vwa kulyangunuka mu kwambulula. (Lom. 12:6-8) Vamo vapwa vakulunu ku myaka, cho kuvatha kukala nathimbu yakama yakuthikama hamo netu. Nambe ngocho, twatha kulilongetha vyavingi kuli vakevo mwafwa vaneshwala mu kupangela Yehova mu kulongwa.