Kwambulula kwa Kulitila mu November kwa Kuleka Banu bya Bumwene bwa Njambi

Yesu wambulwile muzimbu waubwa wa “Bumwene bwa Njambi.” (Luk 4:43) Co lalo walongesele banu balombe Bumwene bwa Njambi. (Mat 6:9, 10) Mu November, tushaka kulinga mutwasela mwoshe kuleka banu bya Bumwene bwa Njambi. (Mat 24:14) Nonekeni bwino simbu mangana mukale na simbu yaingi ya kwambulula. Bapainiya ba kukwasa banasa kwangula kupanga maola 30 nambe 50 mu ngonde eyi.

Lingeni mumwasela mwoshe mangana musimutwiye na banu ba mu citingitingi ceni bya Bumwene bwa Njambi kutundilila mu Mbimbiliya. Omwo mutandela munu cisoneka, akeni bulombelo bwendi mu bisinganyeka. Nga munu natambula mwamubwa muzimbu ha bungenzi bwa kulibanga, mwaneni Kaposhi ka Kukengela ka mbunga ka Na 2 2020. Co ilukileniko bwasi-bwasi mangana mukashangumuke cilongesa ca Mbimbiliya, kupangesa libulu lya mu Cikasha ca Bikwata bya Kupangesa mu Kulongesa. Ololo Bumwene bwa Njambi bunyongesa bifulumende bije bili na kubulwisa. (Nda 2:44; 1Kr 15:24, 25) Ngeci, tulingeni mwoshe mutwasela manganga tuwane simbu ya kwambulula na kukundwiya Bumwene bwa Njambi.