Lekeni Banu Ngweni Kaye Kakaha Kali Muyehi

Mu ngonde ya November, tukakala na cipangi cakama ca kwambulwila banu muzimbu waubwa ngwetu kaye kakaha kali muyehi. (Mya 37:10, 11; Kuj 21:3-5) Libwaheseleni mangana mukawane simbu yaingi yakukapanga omu mu kampeni. Nga mulisonekesa kupwa painiya wa kukwasa mu ngonde ya November, co munasa kwangula kupanga maola 30 nambe 50.

Libwaeseleni kukasimutwiya na banu babangi ha cisoneka ca mu Mbimbiliya cije cendeka bya kaye kakaha. Anguleni cisoneka cije ceta banu ba mu citingitingi ceni ku bimbunge. Nga munu namwesa kubwahelela ha bungenzi bwa kulibanga, co mwaneni magazini ya Kaposhi ka Kukengela ya Na. 2 2021. Ilukileni bwasi ku munu imunasimutwiyiye nendi mangana mukashangumuke kulilongesa nendi Mbimbiliya mu broshuwa ya Likuweni Kuyoya Myaka Yoshe! Kunapu kubezika kupanga omu mu cipangi ca kuleka banu ‘muzimbu waubwa wa byuma byabibwa.’—Isa 52:7.

KENGENI VIDIO YA MWASO WA KULITILA WA KAYE KAKAHA KATUNABANDAMENA. KUTUNDAHO, KUMBULULENI BIHULA BINATAKO:

• Byuma muka byabibwa byali na kusinganyeka mwanike itunamono mu vidio?

• Byuma muka bimunabandamena kukamona mu kaye kakaha?

• Kusinganyekesesa ha byuma byabibwa bitunabandamena kulutwe kumikwasa bati mulibwaesele kukapanga mu kampeni itukala nayo mu November?—Luk 6:45