Pangeseni Libulu lya Likuweni Kuyoya Myaka Yoshe Mangana Mukwase Bamukalilongesa Nabo Mbimbiliya Bakulahele Yehova na Yesu

Muka-kulilongesa Mbimbiliya napande kukanyamesa likulahelo lyendi asina azibise Njambi kubwaha. (Hev 11:6) Twasa kubakwasa bakanyamese likulahelo lyabo kupangesa libulu lya Likuweni Kuyoya Myaka Yoshe! Omu mu libulu muli bisoneka hanemana bisimpi byakama bibanalumbununa mwamubwa na bihula na mavidio na bikupulo byabibwa. Nga tukwasa munu kukala na bifwa bya ku sipilitu na kumukwasa akanyamese busamba bwendi na Yehova, co tuli na kutungisa byuma bije kubyasa kwenya na tuhya.—1 Ko 3:12-15.

Bamo bakalizibi ngwabo kubasa kulikuta busamba na Njambi uje kubasa kumona. Ngeci, tunapande kubakwasa bazibuke bifwa byabibwa byakala nabyo Yehova na kumukulahela.

KENGENI VIDIO YA PANGESENI LIBULU LYA “LIKUWENI KUYOYA MYAKA YOSHE!” MANGANA MUKWASE BAMUKALILONGESA NABO MBIMBILIYA BAKULAHELE YEHOVA. KUTUNDAHO, KUMBULULENI BIHULA BINATAKO:

• Bika twendekela ngwetu ndokazi nalibwaheselele mwamubwa cilongesa?

• Napangesele bati mwamubwa bihula bikwabo mangana akwase yanakala na kulilongesa nendi azibisise biulumbununa mukanda wa Isa 41:10, 13?

• Cassie nalizibile bati mwanayongwele vidio na kuziba biulumbununa mukanda?

Banu babangi kubazibuka seho ya ndando ya kupatula, co kubesi kuimona kupwa bwana bwa kutunda kuli Njambi. (Nga 2:20) Ngeci, tunapande kubakwasa bakulahele ndando ya kupatula ya Yesu.

KENGENI VIDIO YA PANGESENI LIBULU LYA “LIKUWENI KUYOYA MYAKA YOSHE!” MANGANA MUKWASE BAMUKALILONGESA NABO MBIMBILIYA BAKULAHELE YESU. KUTUNDAHO, KUMBULULENI BIHULA BINATAKO:

• Bika twendekela ngwetu ndolome nalibwaheselele mwamubwa cilongesa?

• Napangesele bati biñanda bili ha mutamba wa “Waneni Bikwabo” mangana akwase yakalilongesa nendi?

• Mwafwa bika kwapwa kwa seho kulombela hamo na munu imukalilongesa nendi?