Mwanuka Ndi?

Kuma munatanda mwamubwa Tuposhi twa Kukengela tunatuhuka uno mwaka ndi? Nga mukemwo, tumoneni indi mwasa kukumbulula bihula binatako:

Tunapande kulinga bika mangana ‘tutengulule bisinganyeka byetu’? (Loma 12:2)

Kutwapandele lika kulinga bipangi byabibwa. Tunapande kwilula na bunu bwetu bwa mukati na kutengululako byuma bimo mangana tuyoye mu kulitombola na cizango ca Yehova.—w23.01, lipu. 8-9.

Twasa kumona bati byuma bili na kulingiwa muno mu kaye mu ngila yaibwa?

Tushaka manene kuzibuka byuma bili na kulingiwa mu kaye mubishulisililamo bupolofweto. Kutubakana kuzambwila kulumbununa mutuzibisisilamo yetu byuma nambe bupolofweto, tunapande kupangesa biñanda bili mu mabulu etu. Nga tulinga ngoco, co tukwasa cikungulukilo cilikwatasane. (1 Kori 1:10)—w23.02, lipu. 16.

Cimbwitiko ca Yesu na cimbwitiko ca baka-kumukabangeya byalisezela hali?

Yesu katondekele kulikundika ikeye babenya kuli Yehova mwafwa wasemukilile mu lifuti lije lyalikundikile laja kuli Njambi. Yesu wapwile wa kulumbunuka, co lalo kapwile muka-bubi. Katondekele kutenguluka na kwecela kulinga byuma byabibi.—w23.03, p. 5.

Twasa kukwasa bati bakwetu bakumbulule ku biwano?

Tunapande kukumbulula mu bwihi na kwanako bakwetu simbu ya kukumbulula. Kutwapandele kwendeka bisimpi byabingi-bingi. Nga tulinga ngoco, co bakwetu bawana byakukumbulula.—w23.04, lipu 23.

“Tapalo ya Kujela” ibanendeka ku mukanda wa Isaya 35:8 imanena bika?

Ei ngila ya cifwisa hakulibanga yemanenene bungenzi bubendele Bajuda kutunda mu Babiloni kwiluka kwimbo lyabo. Ano matangwaco ei tapalo imanena bika? Mu myaka ya kukokela ku mwaka wa 1919, cipangi ca kubwahesa ei tapalo cashangumukile. Eci cipangi cambateselele kunungulula, kupulinta Bimbimbiliya na kulinga bipangi bikwabo bya Njambi. Bangamba ba Njambi banatwalelelaho kwenda mu “Tapalo ya Kujela” ije yabakwasa kukala mu paradaisi ya ku sipilitu, co kulinga ngoco kwabakwasa bawane bibezikiso.—w23.05, lipu 15-19.

Bika bitulilongesa ku mukanda wa Visimo capita 9 uje unendeka ha banakazi babali ba cifwisa?

Ku mukanda wa Visimo banendekako bya ‘munakazi wa cilema’ uje cilanyo cendi citwala banu ku kutsa, co banendekako na bya munakazi mukwabo uje emanena mana a busunga. Cilanyo cendi citwala ‘mu ngila ya kuzibisisa’ na kuyoya. (Visi 9:1, 6, 13, 18)—w23.06, lipu 22-24.

Njambi wamwesele bati ngwendi wapwa wa kulikehesa, co wamwesele bati ngwendi wakele na kuzibisisa mwakele na kusimutwiya na Lote?

Yehova walekele Lote atunde mu Sodoma na kutewela ku mutambela wa malundu. Lote walambelelele Yehova ngwendi atewele ku Zowale. Njambi watabesele Lote kutewelako.—w23.07, lipu 21.

Munakazi asa kulinga bika nga munalume wendi akakenge bikupulo bya mushelengwa?

Kapandele kulyana mulonga. Napande kukanyamesa busamba bwendi na Njambi na kusinganyekesesa ha myanja ya mu Mbimbiliya ya banakazi baazembelekele Njambi. Asa lalo kukwasa munalume wendi kujenjuka ku byuma bije byasa kumulingisa akenge bikupulo bya mushelengwa.—w23.08, lipu 14-17.

Nga batwihula ha likulahelo lyetu, twasa kumwesa bati mana na kukumbulula mu ngila yaibotsi?

Oco cihula casa kutukwasa kumona byuma byasinganyeka munu nambe byuma byamona kupwa bya seho na kukumbulula mu kuwa mbunge.—w23.09, lipu 17.

Maliya walingile bika mangana awane nzili, co bika bitulilongesa kuli ikeye?

Maliya mwazibukile ngwendi apwa ina ya Mesiya, watambwile bukwasi ku bakwabo. Gabriele na Elizabethi batakamesele Maliya. Netu bakwetu baka-kukulahela basa kututakamesa.—w23.10, lipu 15.

Yehova asa kukumbulula bati malombelo etu?

Nakulahesa kutolilila ku malombelo etu, co lalo akamono muanakundamena cizango cendi. (Njele 29:12) Asa kukumbulula lilombelo lya kulifwa mu bingila bya kuliseza-seza. Oloni simbu yoshe atukwasa.—w23.11, lipu 21-22.

Mukanda wa Loma 5:2 unendeka bya “lilabelelo,” co mwafwa bika banalyendeka lalo na mu vesi 4?

Nga munu atambula muzimbu waubwa, asa kukala na lilabelelo lya kuyoya mu paradaisi hano hasi. Co kukolesa na kumona mwamuzemena Njambi kukanyamesa manene lilabelelo lyendi omwo aliwana na byeseko.—w23.12, lipu 12-13.