Kusona Bikupulo Kumikwasa Mwanuke Byuma Bimunalilongesa

Hamo kukamikaluwila kwanuka byuma bimunalilongesa. Oloni hamo kukamipwila kwakwasi kwanuka byuma byalongesele Yesu, mwafwa kakangi wakele na kupangesa byakumwenako. Kulinga ngwe tuli na kumona byakele na kulongesa Yesu, kukatukwasa mangana tubyanuke. Ngeci, mwasa kwanuka byuma bimunalilongesa nga mulinga ngwe muli na kubimona. Mwasa kulinga bati ngoco? Mwasa kulinga ngoco, nga musona bikupulo omwo mulilongesa.

Banu baje bakasono bikupulo ha byuma bibanalilongesa, kakangi kukabapwila kwakwasi kubyanuka. Kusona bikupulo kukabakwasa bazibisise mwamubwa bisimpi bya seho bibanalilongesa. Bikupulo bibakasono kesi byakukomokesa, oloni byapwa byabyasi bije bibakwasa banuke bisimpi bibanalilongesa. Co lalo kusona bikupulo kukakwasa manene tukulukazi banuke byuma bibanalilongesa.

Ngeci, ha simbu imulilongesa nambe kutanda Mbimbiliya, esekeni kusona bikupulo ha byuma bimunalilongesa. Kulinga ngoco kumikwasa mwanuke byuma bimunalilongesa.