Lingeni Ngwe Mumona Byuma Bimuli na Kutanda

Mu Mbimbiliya muli mizimbu yaingi ije itulongesa bilongesa bya seho. Nga tulinga ngwe tuli na kumona byuma byalingiwile omwo tutanda ei mizimbu, co twasa kuizibisisa mwamubwa na kuwana bukwasi bwakama. Byuma binatako byasa kumikwasa mulinge ngwe muli na kumona byuma byalingiwile mu mizimbu ya mu Mbimbiliya.

• Tandeni mu kutambeka. Kutanda Mbimbiliya mu kutambeka kwasa kumikwasa mulinge ngwe muli na kumona byuma byalingiwile. Nga muli na kutanda Mbimbiliya hamo na naanga yeni, mwasa kwana umo na umo mu naanga atande hali munu umo wa mu Mbimbiliya. Kulinga ngoco kumikwasa mulinge ngwe neni kumwakele.

• Lingeni ngwe muli na kumona byuma byalingiwile. Esekeni kuzibisisa mwakele na kusinganyekela munu imuli na kutanda byendi nomu mwakele na kulizibila. Cakumwenako, mwasa kulihula ngwendi: ‘Bika byalingisile ou munu endeke nambe kulinga byuma mu ngila ei? Ngwe yange njinaliwanene na byuma byaliwanene nabyo ngwe njinalizibile bati, nambe byuma muka binjinesi kusinganyeka?’

• Soneni bikupulo. Kusona mizimbu ya mu Mbimbiliya kumikwasa mulinge ngwe muli na kumona byuma byalingiwile na kumikwasa mubyanuke, nameme nga keti mu bitongwe mu kusona.