Kuma Kweha Bweho bwa Linyanyamena Kwapwa Kulinga Bubi Ndi?

Biyendeka Mbimbiliya

Nameme Mbimbiliya kuyendekele bya kweha bweho bwa linyanyamena mu kushula, oloni binangulo bili mu Mbimbiliya bitukwasa kumona ngwabo Njambi wamona obu bweho kupwa bubi.—Efeso 5:17.a

• Banu bakehe bweho bwa linyanyamena mwafwa ya nuna, oloni Njambi wazinda nuna. (1 Korinte 6:9, 10; Efeso 5:3, 5) Baka-kweha obu bweho bakawana bimbongo kwitila mu kunyanyamena bakwabo, oloni Mbimbiliya ibindika kushungwiya byuma bya bakwetu.—Ekizoda 20:17; Loma 7:7; 13:9, 10.

• Kweha bweho bwa linyanyamena nameme kamandondo lika kwasa kutulingisa tuzeme manene bimbongo.—1 Timothi 6:9, 10.

• Baka-kweha obu bweho bakakulahela manseno na sande mu kuhyana bakwabo. Oloni Njambi wamona byuma bya cifweci kupwa kulemesa tumponya, baje kapandele kulemesa munu uje akalemesa Njambi.—Isaya 65:11.

• Mbimbiliya ikatushongangeya ngwayo tunapande kupanga na nzili mangana tuwane byuma bitutonda kutubakana kushungwiya byuma kutwapangelele. (Ekelesiya 2:24; Efeso 4:28) Baje bakabangeya binangulo bya mu Mbimbiliya basa “kulya byakulya bibanawana bakebo babenya.”—2 Tesalonika 3:10, 12.

• Kweha bweho bwa linyanyamena kwasa kutulingisa tukale na sipilitu ya kulihyana ije ibanabindika mu Mbimbiliya.—Galatiya 5:26.