Zemeni Bakweni

Bukalu

Kaangu kukesi kuhwa bwasi. Ngwe muje muukeshwala mushongo mu mubila wa munu, kutundisa kaangu mu bimbunge byetu kunasa kwambata simbu. Munapande kulinga bika mangana mutundise kaangu mu mbunge yeni?

Cinangulo ca mu Mbimbiliya

Bikupulo: 1. Munalume wa ku Asia ali na kushokolwela munalume wa kuzibala uje nambata binganja bya kofi. 2. Uje munalume wa kuzibala ali na kupangezela banu bakapanga nabo kofi, kwambateselela na uje munakazi wa Kaindia itunendeka.

‘Zaleni cizemo, cije cikakutila byuma byoshe hamolika mu bumo bwabubwa.’—KOLOSE 3:14.

Eci cinangulo cilumbununa bika? Kulingila bakwetu byuma byabibwa kutulingisa tulikwatasane. Nga muzema manene bakweni, co kumukala na kaangu mwafwa kumubasinganyekela byuma byabibi.

Byuma Bimwasa Kulinga

Bikupulo: 1. Cindele wa kakulukazi bali na kumukwasa kulonda mu mulili wa helu kuli munakazi wa Kaindia, co namwambatelako byuma byanalanda. 2. Cindele wa kakulukazi ali na kutwalela uje munalume wa ku Asia itunendeka mambisiketi.

Waneni bingila mumwasa kumwesela ngweni mwazema baje bamwamona ngwe mwaliseza nabo. Keti musinganyeke ngweni munapande kulinga byuma byakama manene. Esekeni kulinga byuma binatako:

Cuma na cuma cacibwa cimulingila bakweni cije cimwesa ngwaco mwabazema cimikwasa mutepulule ku kaangu keni

Balingeni mwamubwa ha kubashokolwela ku cikolo nambe kubasezela citwamo nga muli mu mbasi.
Simutwiyeni nabo nameme kubazibuka mwamubwa ndaka yeni.
Kwateni mbunge nga balinga byuma mu ngila ije kuimizibisa mwamubwa.
Bazibileni mema ku mbunge nga bamileka bukalu bwabo.