Vavuthamba Va Njambi Vakakala Mu Palandaisi

Palandaisi kuyikalifu na kaye kano tuli nakuyoyamo thimbu yino. Njambi kashakele ngwendi mu kaye mukale vukalu na vuthiwa, na kuvavala na kuyanda. Kulutwe, Njambi akatengulula kaye kupwa Palandaisi. Vika vikakala mu Palandaisi? Tutaleni viyendeka Mbimbiliya:

Mukakala vanu vavavwa. Palandaisi yikapwa limbo lya vavuthamba va Njambi. Vanu vakalinga vyuma vyavivwa ku vakwavo. Vakakavangeya vingila vya Njambi vyakuthungama.—Visimo 2:21.

Vyakulya vikalithala. Mu Palandaisi kumukakala njala. Mbimbiliya yendeka ngwayo: “Tiliku [nambe vyakulya] ipwe yaingi mu lifuti.”—Myaso 72:16.

Vanu vakatunga vinjuvo vyavivwa na kupanga vipangi vyavivwa. Mu Palandaisi, nanga na nanga yikakala na njuvo yayo. Munu na munu akapanga vipangi vije vikamuthzivitha kuvwaha.—Isaya 65:21-23.

Mu kaye koshe mukakala kwoloka. Vanu kuvakalu nambe kuthsa ku ndthzita. Lijwi lya Njambi lyendeka ngwalyo: “[Njambi] amanesa vinzita.”—Myaso 46:8, 9.

Vanu vakapwa vakulikangula. Mbimbiliya yakulahetha ngwayo: “Naumo wai lalo uje akayoyela [mu Palandaisi] mu lifuti lyetu akalinyenga a kuvinja.” (Isaya 33:24) Naumo wai lalo akapwa chilema, nambe kapuputwa, nambe kathinda matwi, nambe kaveveve.—Isaya 35:5, 6.

Kuvavala, na vuthiwa, na kuthsa vikahwa. Lijwi lya Njambi lyendeka ngwalyo: “Kukukakala kutsa nambe vusiwa nambe kulila nambe kukemanga. Omwo vyuma vyalaja vineti.”—Kujombolola 21:4.

Vanu vavavi kuvakakalamo. Yehova watukulahetha ngwendi: “Njambi [akanyongetha] vaka-vuvi mu lifuti, vakapwa ngwe cimena civatukula mu livu.”—Visimo 2:22.

Vanu vakalithzema umo na mukwavo nakulithingimika. Mu Palandaisi kumukakala kuhengetha, nakuyandetha vanu, na nuna, na chithzindo. Vanu vakalikwatathana nakukavangeya vingila vya Njambi vyakuthungama.—Isaya 26:9.