MUTAMBA 8

Kutsa kwa Yesu Kumikwasa Bati?

Yesu watutsilililile mangana tukayoye. Yowano 3:16

Banakazi bashumbilila mu mbumbo ya Yesu, oloni mwamupulungwa

Omwo mwetile matangwa atatu kutunda ha kutsa kwa Yesu, banakazi bamo baile ku mbumbo yendi, oloni bawanene mwamupulungwa. Bawanene Yesu banamusangula laja ku batsi.

Yesu asholoka ku tupositolo bendi, kutundaho akanduka mwilu

Yesu waile na kusholoka ku tupositolo bendi.

Yehova wasangwile Yesu na kumupwisa munu wa nzili wa ku sipilitu uje kakatsi lalo. Bandongesi bamwene Yesu aya mwilu.

Njambi wasangwile Yesu na kumupwisa Mwene wa Bumwene bwa Njambi. Ndanyele 7:13, 14

Yesu ali mwilu, oloni ayula banu mu paladaisi hano hasi

Yesu watsile mangana apwe ndando ya kupatula banu. (Mateo 20:28) Eyi ndando ya kupatula yatwanene Njambi, itungilisa mangana tukayoye myaka yoshe.

Yehova wangwile Yesu kupwa Mwene uje akayula lino lifuti-libu. Akayula hamo na banu ba kupwa 144,000 baje bali na kusanguka hano hasi na kuya mwilu. Yesu na baje 144,000 bakebo batunga fulumende ya mwilu, nameme Bumwene bwa Njambi.—Kujombolola 14:1-3.

Bumwene bwa Njambi bukatengulula hano hasi kupwa paladaisi. Nzita, lwozi, buhutu na njala byoshe bikahwa. Banu bakabwahelela manene.—Myaso 145:16.