Bika Bikwasa Naanga Ipwe ya Kubwahelela?

BIINENDEKA MBIMBILIYA

“Banabezika baje baziba lijwi lya Njambi na kulyononoka.”—Luka 11:28.

KUKULAHELA AWA MAJWI KUMIKWASA BATI?

Kumikwasa mukale na cizemo ca busunga.—Efeso 5:28, 29.

Kumikwasa mulisingimike umo na mukwabo. —Efeso 5:33.

Kumikwasa mulinyungilile.—Mako 10:6-9.

TWASA KUKULAHELA BIINENDEKA MBIMBILIYA NDI?

Twasa kuikulahela mwafwa ya byuma ebi bibali:

• Njambi ikeye wakeleko naanga. Mbimbiliya ngwayo, ‘naanga yoshe yoshe yatambula lizina’ kuli Yehova Njambi. (Efeso 3:14, 15) Oku kulumbununa ngwabo Yehova ikeye wakeleko naanga. Bika kwapwila kwa seho kuzibuka eyi simpi?

  Cakumwenako, nga munali byakulya bya kutobala, co mushaka kuzibuka mubanabitelekela, iya imwihula? Twakulahela mwihula uje nabiteleka.

  Mu cifwa cimo lika, nga mushaka kukala na naanga ya kubwahelela, taleni kuli Yehova uje wakeleko naanga.—Kushangumuka 2:18-24.

• Njambi wamyaka mbunge. Binaanga binapande kukabangeya byabaleka Yehova kwitila mu Lijwi lyendi. Mwafwa bika? Mwafwa wamyaka mbunge. (1 Petulu 5:6, 7) Yehova wamyaka mbunge, co kunangula kwendi kumikwasa.—Visimo 3:5, 6; Isaya 48:17, 18.