CHILONGETHA 13
Timateo Washakele Kukwatha Vanu
Timateo wapwile mukwenje uje washakele kukwatha vanu. Wakele nakuya nakukwatha vanu mu mitambela yaingi. Kulinga ngechi kwamupwithile wakuvwahelela muvuyoye vwendi. Ushaka kutolilila ku ñanda yendi ndi?—
Vaina yaTimateo na vakuku yendi vamulongethele vya Yehova
Timateo wakolelele mu nganda ivathana ngwavo Lisitala. Mwapwile wamundondo, vakuku yendi va Loisi na vaina va Yunisi vashangumukile kumulongetha vya Yehova. Mwakele nakukola washakele kukwatha vakwavo mangana valilongethe viñanda vya Yehova.
Timateo mwapwile mukwenje, Paulu wamulekele vya kuya nendi nakwambulula ku mitambela ikwavo. Timateo wakumbulwile ngwendi ‘Eyo!’ Walivwahethelele kuya na kukwatha vakwavo.
Timateo waile na Paulu ku nganda ya Tesalonika mu Masendoniya. Vendele nunda yailaha na mendi cho vakalonda nawa muvwato mukemwo vaketele kuvakele nakuya. Muvaketele, vakakwathele vanu vavangi kulilongetha vya Yehova. Oloni vanu vamo valuvalele nakuvathzinda, cho Paulu na Timateo vaya kweka na kwambulwilako.
Timateo wapwile wakuvwahelela mu vuyoye vwendi
Munima ya vingonde vyetilemo, Paulu walekethele Timateo kwilukila ku Tesalonika kukamona vandolome muvakele nakuyoyela. Vanapandele kupwa vakuthimpa mangana velukile kuje ku nganda yakutewetha ngocho. Oloni, Timateo welukilileko mwafwa washotelele vandolome vendi mbunge. Wakawanene mithzimbu yaivwa ije yakwambulwile kuli Paulu. Vandolome vaku Tesalonika vakele nakupanga mwamuvwa!
Timateo wapangele na Paulu mu myaka yaingi. Thimbu imo, wasonekele ngwendi Timateo napandele kuya nakukwatha vikungulukilo. Timateo wathzemene Yehova na vanu.
Yove cho wathzema vanu ndi?— Ushaka kuvakwatha valilongethe vya Yehova ndi?— Umona ulinga ngocho, watha kupwa wakuvwahelela muvuyoye ngwe Timateo!