CILONGESA 4

Kuzimbula Mwamubwa Bisoneka

Mateo 22:41-45

SIMPI YAKAMA: Simbu kanda utande cisoneka, kwasa baje bakutolilila balibwaesele mu bisinganyeka.

Zibuka biuli na kundandela cisoneka. Zimbula cisoneka mu ngila ije ilingisa banu batolilile simpi yakama iushaka kubaleka mu vesi.

Zibuka muzimbu uli mu mavesi anata ku vesi iutanda. Nga utumbula munu uje wasonekele majwi ali mu vesi, nambe wasonekele mukanda wa mu Mbimbiliya, co tumbula munu waco, keti utumbule weka.
Byoshe biwendeka bimane ha Mbimbiliya. Nga wendeka ku banu baje bakulaela Njambi, bakwase bamone ngwabo Mbimbiliya yapwa “Lijwi lya Njambi,” co biwendeka binapu biyongola byendi.
Indula lishungu lya banu lya kushaka kutanda bisoneka. Behule bihula bije bibawana bikumbululo mu bisoneka. Tumbula bukalu buje buli na ngila ya kubumaneselamo mu bisoneka. Baleke cinangulo cije cibanalumbununa mu bisoneka.

Lihule ngwobe, ‘Bika bibanazibuka laja banu ha ñanda eyi na ha cisoneka eci?’ Nameme cisoneka cije cibazibuka mwamubwa, batandeleco na kubakwasa bamone ngila yeka ya kucizibisisilamo.