CILONGESA 8

Byakumwenako Bije Bilongesa Banu

Mateo 13:34, 35

SIMPI YAKAMA: Bwezelela ku butongwe bwobe bwa kulongesa mu kupangesa byakumwenako byabyasi bije bikwata banu ku mbunge na kulongesa bisimpi byakama.

MWAKULINGILA:

Angula byakumwenako byabyasi. Pangesa byuma byabindondo mu kulumbununa byuma byakama, nameme byuma byabyasi mu kulumbununa byuma byabikalu. Yesu nendi walingile ngoco. Keti wendeke byuma byabingibingi bije bikaluwisa cakumwenako cobe. Byuma biwendeka mu cakumwenako binapande kulitombola na ñanda iulongesa mangana keti utanganese banu.

Pwa wa kunanguka ku byuma bili na kulingiwa mu kaye, tanda mikanda yetu baka-Kilisitu, tolilila ku balongesi ba kuhya. Co soneka byakumwenako bije bibwezelela ku butongwe bwobe bwa kulongesa. Binyunge mu mukanda wobe.
Singanyeka ha byuma bikwasa baje bakutolilila. Angula byakumwenako bije bimwesa byuma bibakalingi banu baje bakutolilila. Byakumwenako biwendeka kubyapandele kubazibisa shwamwa, nambe kubatanwisa.
Balongese bisimpi byakama. Simutwiya nabo lika ha bisimpi byakama na kuseza bije kubyesi na seo. Bakwase banuke simpi yakama ili mu cilongesa, keti cakumwenako lika.