Kupangesa Byakumwenako

Nga tuli ha bungenzi bwa kwilukila nambe nga tuli na kutwamenena Cilongesa ca Mbimbiliya, tunapande kukwasa itulilongesa nendi azibisise bisimpi byakama. Nga tupangesa byakumwenako, co tumweta ku mbunge. Co lalo kebala bwasi byanalilongesa.

Mumulibwaesela bungenzi bwa kwilukila nambe Cilongesa ca Mbimbiliya, anguleni bisimpi byakama bimusha kukalumbununa mwamubwa. Co anguleni byakumwenako byabyasi kubizibisisa. (Mat 5:14-16; Mak 2:21; Luk 14:7-11) Munapande kuzibuka cisemwa na bipangi byakalingi munu imulilongesa nendi. (Luk 5:2-11; Yow 4:7-15) Mubwahelela nga munanguka ngweni munu imulilongesa nendi nazibisisa simpi yakama.

KENGENI VIDIO YA KUPWISA BANU BANDONGESI KUMILINGISA MUBWAHELELE—BWEZELELENI KU BUTONGWE BWENI—KUPANGESA BYAKUMWENAKO. KUTUNDAHO, KUMBULULENI BIHULA BINATAKO:

• 

  Mwafwa bika tunapande kukwasa munu ituli na kulilongesa nendi azibisise mavesi amo a mu Mbimbiliya?

• 

  Neeta napangesa cakumwenako muka mangana alumbunune mukanda wa Loma 5:12?

• 

  Byakumwenako byabibwa byasa kukwasa bati munu itulilongesa nendi?

• Mwafwa bika tunapande kupangesa mavidio na bikwata bikwabo bya mu munga ya Yehova bitukapangesa mu kulongesa?