Lombeleni Kuli Yehova Mangana Amikwase

Yehova ikeye akamenesa na kukolesa mbuto ya bumwene mu mbunge ya munu. (1 Ko 3:6-9) Ngeci, nga tushaka ngwetu cipangi ca kwambulula citwendele mwamubwa, tunapande kulombela kuli Yehova mangana atukwase na kukwasa banu batukalilongesa nabo Mbimbiliya.

Lombeni Yehova akwase bamukalilongesa nabo Mbimbiliya bakolese nga babalwisa nambe nga baliwana na byeseko. (Fil 1:9, 10) Lekeni Yehova bili ku mbunge yeni. Lombeni sipilitu ya kujela imikwase kukala na bisinganyeka byabibwa na kulinga byuma mu ngila inapande. (Luk 11:13) Longeseni bamukalilongesa nabo Mbimbiliya mwakulombelela kuli Njambi na kubashongangeya kulinga ngoco. Lombeleni hamo nabo na kubatumbula mazina omwo mulombela.

KENGENI VIDIO YA KUPWISA BANU BANDONGESI KUMILINGISA MUBWAHELELE—TAMBULENI BUKWASI BWA YEHOVA—LILOMBELO. KUTUNDAHO, KUMBULULENI BIHULA BINATAKO:

• Bukalu muka bwanawanene Neeta mwanakala na kulilongesa na Jade?

• Mukanda wa 1 Kolinte 3:6 unakwasele bati Neeta?

• Bukalu bwanaliwanene nabwo Neeta bwahwile bati?