AKENI MBUNGE KU CIPANGI CA KWAMBULULA | BYUMA BIMIKWASA MULIKUWE CIPANGI CA KWAMBULULA
Kweta ku Bimbunge bya Banu
Tunapande kwononoka Njambi kutundilila kwisi ya bimbunge byetu. (Vis 3:1) Ngeci, omwo tulongesa munu tunapande kumweta ku mbunge. Twasa kweta bati ku mbunge ya munu itulilongesa nendi?
Kutwapandele lika kumulongesa Mbimbiliya, oloni tunapande kumukwasa amone ngwendi byalilongesa bimukwasa mu buyoye bwendi na kumukwasa apwe kabusamba ka Yehova. Tunapande kumukwasa amone ngwendi mashiko a Njambi amwesa ngwawo wapwa wamubwa, washaka kulinga byuma mu busunga, co lalo wakala na cizemo. Mwihuleni bihula mangana alilule ikeye babenya nakumona indi nazibisisa byali na kulilongesa. Mukwaseni amone bubwa butunda mukwecela bilinga byabibi. Tubwahelela manene mutumona munu itukalilongesa nendi azema Yehova na mbunge yendi yoshe.
KENGENI VIDIO YA KUPWISA BANU BANDONGESI KUMILINGISA MUBWAHELELE—BWEZELELENI KU BUTONGWE BWENI—KWETA KU BIMBUNGE BYA BANU. KUTUNDAHO, KUMBULULENI BIHULA BINATAKO:
Mwafwa bika Neeta nehwile Jade ngwendi: “Unasinganyekesesele ha byuma bitunasimutwiiye?”
Neeta nakwasele bati Jade amone ngwendi mashiko a mu Mbimbiliya amwesa ngwawo Yehova wamuzema?
Nga tweta ku bimbunge bya banu batulilongesa nabo, co tubakwasa balikute busamba bwa kukanyama na Yehova
Neeta nakwasele bati Jade azibuke mwasa kumwesela ngwendi wazema Njambi?