Bamukalilongesa Nabo Mbimbiliya Becele Bilinga Byabibi

Banu baje bali na bilinga byabibwa bakebo basa kulikuta busamba na Yehova. (1 Pe 1:14-16) Nga batulillongesa nabo Mbimbiliya becela bilinga byabibi, co bapwa bakubwahelela mu naanga na kupwa ba kulikangula, co lalo bazibuka mwakupangesela mwamubwa bimbongo.

Balumbunwineni mwamubwa mashiko a Yehova nebi byanatwanenawo na byuma byabibwa bitunda mu kuwononoka. Nga mukwasa bamukalilongesa nabo Mbimbiliya batengulule bisinganyeka byabo, co kubapwila kwakwasi kulinga byashaka Yehova. (Efe 4:22-24) Bakwaseni bakulahele ngwabo Yehova asa kubakwasa becele bilinga byabo byabibi nameme baliziba ngwabo kesi kwakwasi kulinga ngoco. (Fil 4:13) Balekeni ngweni banapande kulomba Yehova abakwase nga baziba cipepa ca kulinga byabibi. Bakwaseni bazibuke byuma bibanapande kujenjuka mangana kesi balinge byuma byabibi. Bashongangeyeni balinge byuma byabibwa mangana kesi basinganyeke ha byuma byabibi. Nga tumona Yehova mwanakwaselamo batukalilongesa nabo Mbimbiliya becele bilinga byabibi, co tupwa bakubwahelela.

KENGENI VIDIO YA KWASENI BAMUKALILONGESA NABO MBIMBILIYA BECELE BILINGA BYABIBI. KUTUNDAHO, KUMBULULENI BIHULA BINATAKO:

• 

  Bakulunu na Neeta banamwesele bati ngwabo banakulahelele ngwabo Jade asa kwecela bilinga byendi byabibi?

• 

  Byuma muka bikwabo byanalingile Neeta mangana akwase Jade?

• 

  Jade nalombele bati bukwasi kuli Yehova?