Kwaseni Bamukalilongesa Nabo Mbimbiliya Balikute Busamba na Yehova

Yehova ashaka ngwendi tumupangele mwafwa ya cizemo cetu kuli ikeye. (Mat 22:37, 38) Kuzema Njambi kukwasa bamukalilongesa nabo Mbimbiliya batengulule futisi yabo na kukolesa omwo baliwana na byeseko. (1 Yo 5:3) Kuzema Yehova kukekwo lalo kubakwasa bete ha kubambwitika.

Kwaseni bamukalilongesa nabo Mbimbiliya balimwene ngwabo Njambi wabazema. Behuleni bihula byakufwa ngwe: “Ebi byuma bimilongesa bika hali Yehova?” nambe “Ebi byuma bimwesa bati ngwabyo Njambi wamizema?” Bakwaseni lalo balimwene mwali na kubakwaselamo Yehova mu kuyoya kwabo. (2 Mi 16:9) Balekeni Yehova mwanakumbulwilamo malombelo eni na kubashongangeya bananguke mwali na kukumbulwila malombelo abo. Tubwahelela manene omwo tumona batukalilongesa nabo Mbimbiliya bananguka ngwabo Yehova wabazema na kubamona bamwesa ngwabo nabo bamuzema, co bashaka kulikuta busamba nendi.

KENGENI VIDIO YA KWASENI BAMUKALILONGESA NABO MBIMBILIYA BALIKUTE BUSAMBA NA YEHOVA. KUTUNDAHO, KUMBULULENI BIHULA BINATAKO:

• 

  Bukalu muka bwanaliwanene nabwo Jade?

• 

  Neeta nakwasele bati Jade?

• 

  Jade nasele bati kuhyana bukalu bwanaliwanene nabwo?