AKENI MBUNGE KU CIPANGI CA KWAMBULULA | BYUMA BIMIKWASA MULIKUWE CIPANGI CA KWAMBULULA
Longeseni Bamukalilongesa Nabo Bazibuke Mwakukanyamesela Busamba Bwabo na Yehova
Batukalilongesa nabo Mbimbiliya banapande kulilongesa byabingi bakebo babenya mangana bakanyamese busamba bwabo na Yehova, keti bije lika bitukabalongesa. (Mat 5:3; Hev 5:12–6:2) Banapande lalo kulilongesa mwakulila bya kulya bya ku sipilitu.
Mucishangumuka lika kulilongesa na banu, bamweseni mwakulibwaesela cilongesa ca Mbimbiliya, co bashongangeyeni balinge ngoco. (mwb18.03 6) Bashongangeyeni balombele lombele simbu kanda bashangumuke kulibwaesela cilongesa cabo ca Mbimbiliya. Bakwaseni bazibuke mwakupangesela makina aje abatwala ha intaneti omwo balilongesa. Balekeni mwakuwanena mizimbu yaiha ha jw.org na ha JW Broadcasting®. Mukwita kwa simbu, balekeni batandetande Mbimbiliya litangwa na litangwa, balibwaeselebwaesele biwano bya cikungulukilo na mwakuwanena bikumbululo ku bihula bibali nabyo. Bakwaseni basinganyekesese ha byuma bibali na kulilongesa.
KENGENI VIDIO YA KWASENI BAMUKALILONGESA NABO MBIMBILIYA BALYE BYAKULYA BYA KU SIPILITU, KUTUNDAHO KUMBULULENI BIHULA BINATAKO:
Neeta nakwasele bati Jade amone ngwendi kulilongesa kukwemanene lika ha kuzibuka bikumbululo?
Bika binakwasele Jade azibisise byuma binalingisa Yehova abindike banu kulinga bukwizi?
Longeseni bamukalilongesa nabo Mbimbiliya bazibuke mwakulilongesela bakebo babenya na kupangesa bibalilongesa
Jade nazibisisile bati bubwa bwa kusinganyekesesa?