KWILUKILAKO
CILONGESA 7
Kutwalelelaho
Cinangulo: “Batwaleleleleho kulongesa na kwambulula muzimbu waubwa.”—Bili 5:42.
Bika Byalingile Paulu?
1. Kengeni VIDIO, nambe kutanda Bilinga 19:8-10. Kutundaho, singanyekeseseni ha bihula binatako:
Paulu watwaleleleleho bati kukwasa baje batambwile muzimbu waubwa kwa kujeneka kulikela nameme bamo bamulwisile?
Paulu welukilile lungai kuli baje batambwile muzimbu, co walingile ngoco ha simbu ya kupwa hali?
Bika Bitulilongesa Kuli Paulu?
2. Tunapande kwana simbu yetu na kulifwita asina tulinga mangenzi a kwilukila amabwa na kushangumuka bilongesa bya Mbimbiliya.
Tembwinineni Paulu
3. Tengululeni cinoneko ceni mangana cendelele na cinoneko cendi. Lihuleni ngweni: ‘Simbu muka yasa kupwa yaibwa ya kumwendela? Simbu muka yasa kuzituka bwino kusimutwiya nange, co kuli?’ Libwaheseleni kwilukilako nameme keti simbu yaibwa kuli yeni.
4. Lizibasaneni mumuliwanena lalo. Nga munamanesa kusimutwiya na munu, mwihuleni lalo simbu imukasimutwiya nendi. Nga mwalizibasana, keti muloje.
5. Keti muzeye. Keti muzambwile kusinganyeka ngweni nga munu kesi kuwaniwa ha njibo simbu yoshe nambe nga simbu yoshe nazezama, co ngweni kashaka kulilongesa embwe. (1 Kori 13:4, 7) Pangeseni mwamubwa simbu yeni nameme mutwalelelaho kwilukila kuli owo munu.—1 Kori 9:26.