Mubakalizibila Banu nga Buyoye Bwakaluwa Manene

Cakumwenako, Sallya wa ku United States uje wakele na byuma byabingi bije byabihile mukwetile lihunzi lyakama ngwendi: “Njalizibile ngwangwe kunjasa kutwalelelaho kulikolesa. Njalizibile kuzeya ha matangwa amangi.”

Bukalu bukwabo bwakama butwasa kuliwana nabwo hamo bunapu kutsisa munu itwazema. Janice wa ku Australia ngwendi: “Omwo bana bange babali ba banalume batokele, mana na nzili byanjihwililile. Njalombelele manene kuli Njambi ngwange: ‘Kunjasa kutwalelelaho kulikolesa. Njecele njitse lika. Kunjishaka kwinduka lalo.’”

Daniel walizibile manene kubabala ku mbunge omwo munakazi wendi walingile bubi. Daniel wendekele ngwendi: “Munakazi wange mwanjilekele ngwendi walingile bubi njalizibile ngwe banjitibile moko ku mbunge. Bubi bwalingile munakazi wange bwanjizibisile manene kubabala ku mbunge ha bingonde byabingi.”

Muno mu Kaposhi ka Kukengela, tusimutwiya ha byuma bimwesa ngwabyo twasa kulikolesa mu kuyoya nameme nga tuliwana na bukalu butunendeka helu.

• Bukalu bwa cishitukila

• Kutsisa munu imwazema

• Umo mu bulo alinga bubi

• Kulifwita na bubezi bwakama

• Buyoye bwakaluwa manene

Kuma neni muli na kuliwana na bukalu bubanasoneka kwisi ndi?