Mutembwinina Ntwima ya Yehova na Yesu mu Vingonde vya Chanukitho Ndi?
1. Vakaleho va Yehova vakalifwiti kulinga vika mu vingonde vya Chanukitho?
1 Yehova wakala na ntwima yakushulithilila viyongola vyendi. Mukanda wa Isaya 9:7 unendeka ha vivethzikitho vimo vikasholoka mu Vumwene vwa Njambi ngwawo: “Shukulu Kalunga Muka-nzili yoshe akamona ngechi vyuma vyoshe evi vinapande kulingiwa.” Muna Njambi nendi wapangele na ntwima mukwimanena vulombelo vwa vuthunga omwo wakele hano hathi. (Yowano 2:13-17; 4:34) Mwaka na mwaka, mu vingonde vya Chanukitho, vaka-kwambulula vavangi mu kaye koshe vakalifwiti mukutembwinina ntwima ya Yehova na Yesu hakuvwethzelela ku chipangi chavo chakwambulula. Neni mukalinga ngocho ndi?
2. Ntwima yikatukwatha kulinga vika kushangumuka ha March 7?
2 Kulanya Vanu ku Chanukitho: Chipangi chakulanya vanu ku Chanukitho chauno mwaka chikashangumuka lya Sapalalo, March 7. Livwahetheleni chimweja mangana mukapange na ntwima mu lihya. Vaka-kwambulula vakavwahelela manene omwo vakaya nakulanya vanu voshe mu vitingitingi vya Vikungulukilo vyavo. Tulanyeni vanu vatuli nakulongetha Mbimbiliya, na vaje vatunakutila vungendthzi vwa kwilukila, na vaje vatukapanga navo, na vavushoko vwetu, na vaje vatukakovela navo sikola hakuvana tumapatelo twa kuvalanya, nambe kuvalanya kupangetha jw.org.
3. Twatha kuvwethzelela vati ku chipangi chetu cha mu lihya mu March na April?
3 Vupayiniya vwa Kukwatha: Ntwima yikatukwatha lalo kuvwethzelela ku chipangi chetu. Twakulahela ngwetu vavangi vakalinga vupayiniya vwa kukwatha mu ngonde ya March na April mwafwa vatha kulyangwila kupanga maola 30. Thinganyekeni mumwatha kulinga ngocho ha kulombela kweni kwa nanga, nambe ha chilongetha chalika lya munu. (Vis. 15:22) Ntwima yetu yakupanga chipangi chakulanya vanu yatha kushongangeya vakwetu navo vapange na twima. Nga mukehethako vipangi vya ku muvila mangana mupange manene mu lihya, cho mutembwinina ntwima ya Yesu.—Mako 6:31-34.
4. Vivethzikitho muka vituwana nga tutembwinina ntwima ya Yehova na Yesu?
4 Tuwana vivethzikitho vyavingi nga tutembwinina ntwima ya Yehova na Yesu mu vingonde vya Chanukitho. Vanu vavangi mu chitingitingi tuvambulwila muthzimbu. Netu tukavwahelela nakujolelela mukupangela Yehova na mukwana vakwetu. (Vilinga 20:35) Cho lalo, tukavwaheletha Njambi yetu na Munendi vaje vakapanga na ntwima.