Valanyeni Oho Vene

1. Kulanya vakwetu ku chiwano kukashangumuka thimbu muka?

¹ Nga munayongola kuvwahethela nanga imo nambe vavuthamba veni vyakulya vyavivwa, vije vitondewa vimbongo vyavingi na kukilikita ha kuvivwahetha, munatha kukala na ntwima ya kuvalanya. Mu ngila imo lika, kunapu kufwitangana ha kutuvwahethela vyakulya vya ku sipilitu vitukalikuwa ku chiwano chinakwija. Yehova natutavetha tulanye vakwetu ha vithimano vitatu thimbu kanda chiwano chakama chishangumuke. Vika vyatha kutukwatha kukala na ntwima mu kulanya vakwetu ku chiwano?

2. Vika vitulingitha tupange na ntwima mu kampeni?

² Nga tumona ngwetu mashiko akatwana Yehova oku ku viwano akatukwatha mu kuyoya kwetu, cho kutulingitha tupange na ntwima mu kampeni ya kulanya vakwetu. (Isa. 65:13, 14) Tunapande lalo kwanuka ngwetu mu kampeni yetu ya mwaka na mwaka mukatundu vyuma vyavivwa. (Kengeni chipalo cha “Mukatundu Vyuma Vyavivwa.”) Vanu vatulanya ku chiwano, vamo vakakalako veka kuvakakalako. Mwoshe omwo muvakumbulwila vanu, oloni kukilikita kwetu mu thimbu ya kampeni kukanena kushangathzala kuli Yehova na kumwetha ngwavo wapwa muka-kwana.—Mya. 145:3, 7; Kuj. 22:17.

3. Vilanyo vya kulanyela vatu ku chiwano tukavyana vati?

³ Mbunga ya vakulunu inapande kuvwahetha ngila ivanenamo vilanyo mu chitingitingi choshe na kumona lalo nga vanatha kuthzethza vilanyo ha vinjuvo haje kuhethi vanu, nambe kwana vilanyo ku myela ya mbunga ya mu chitingitingi chavo. Kushongo ya thimano, mangazini vanapande kuyana hamo lika na vilanyo nga chitava. Hanima ya kampeni, tukavwahelela manene ha kuthzivuka ngwetu tunapangele na ndthzili mu kulanya vanu vavangi na kulikuwila navo kulya cha ku sipilitu chanatuvwahethela Yehova.