Kampeni ya Kulanya Vanu ku Chiwano cha Mutambela

Mwaka na mwaka, tukavandamena kulikuwa vyakulya vya ku sipilitu ku viwano vyetu vya mutambela. Tushaka kulanya vanu vavangi mangana navo vakulimwene vuvwa vwa Yehova. (Mya 34:8) Chivunga na chivunga cha vakulunu chinapande kuyongola mwakulanyena vanu vavangi va mu chitingitingi chavo.

VITHIMPI VITUNAPANDE KWANUKA

• Chiwano chetu cha mutambela chikakalako tangwa lika?

• Kampeni ya kulanya vanu ishangumuka tangwa lika mu chitingitingi chetu?

• Matangwa muka avanangula a kuliwana hamo lika na kuya mu lihya?

• Vika vinjilingila chipangi cha kampeni?

• Veya vanjishaka kulanya?

MWENDEKA NGWENI VATI?

Hanima ya kulindwitha na munu, munatha kwendeka ngweni:

“Tuli mu kampeni ije ili na kulingiwa mu kaye koshe ya kulanya vanu ku chilika chakama chitukalanacho. Ndeti, thimbu na keyala kuchikakela chiwano vanaimwetha ha kalipapelo. Neni tumilomba ngwetu mwakulikuwile hamo lika netu.”

MWATHA KUTWALELELAHO VATI NA MUNU UJE NAMWETHELE KUVWAHELELA?

Nambe ngwavo tushaka kulanya vanu vavangi ku chiwano, tunapande lalo kunanguka munu uje namwethele kuvwahelela mangana tutwaleleleho kulilongetha nendi.

Tunatha kwana mangazini hamo lika na chilanyo lya Sapalalo na lya Chalumingo