Watchtower LAIBRALI YA HA INTANETI

LAIBRALI YA HA INTANETI

mwb16 April p. 3
Shongangeyeni na Kutakametha Vakweni na Majwi Amavwa

Vuyoye Vwetu Vaka-Kilisitu na Chipangi Chetu—Mukanda wa Viwano—2016

mwb16 April p. 3

VITHIMPI VYA THEHO VYA MU LIJWI LYA NJAMBI | YOMBI 16-20

Shongangeyeni na Kutakametha Vakweni na Majwi Amavwa

Majwi a muka-kunangula anapande kutakametha vakwavo

Yombi wapokokele manene mbunge, ngechi watondele vukwathi ku vakwavo na kumuthzembeleka
Vathamba va Yombi vatatu volokele lika kulu, kuvamutakamethele. Vamuvangeyeye vya makuli na kuvwethzelela ku vishoti vyendi

Majwi a Mbilendande a kujeneka ngothzi anenethele ngwavo Yombi alinyenge ha tuyando twendi

Yombi watambekele kuli Njambi ngwendi amukwatheko mu ngila imo nambe kuthsa
Yombi wakulahelele mu kuthanguka, ngechi watwaleleleho kupwa wa kulongwa

Omwo Elifaze endeka na Yombi, Mbilendande na Zofale vamukenga lika shwi

VAKA-KUVANGEYA YOMBI

Elifaze:

Elifaze wapwile kaTemane wa mu lifuti lya Endome. Ku Njelemiya 49:7, vanamwetha ngwavo Temane wapwa mwela wa mana wa vaka-Endome
Cha sholoka ngwe Elifaze ikeye wapwileho mukulunu hakati ka vaje ‘vaka-kuthzembeleka.’ Wendekele vyavingi manene kutuvakana vakwavo vavali

Kuvangeya kwa makuli:

Wombwanethele kulongwa kwa Yombi na kwendeka ngwendi Njambi kakulahelele vangamba vendi (Yom 4, 5)
Wendekele ngwendi Yombi wapwile muka-kulilundumuna na muka-vuvi, uje kathzivilile Njambi lyova (Yom 15)
Wavangeyeye Yombi ngwendi wakele na nuna na kujeneka vuthunga, cho lalo wamulekele ngwendi munu napu chindthzalya changocho kuli Njambi (Yom 22)

Mbilendande:

Mbilendande wapwile mutekulwila wa Shuhe. Chasholoka ngwe watungile ku ngenge ya Ndonga ya Yufuleti
Ikeye wapwile wa mu chivali ku kwendeka. Majwi endekele apwile amandondo lika kutuvakana a Elifaze, oloni athzivithile manene Yombi kuvavala ku mbunge

Kuvangeya kwa makuli:

Wendekele ngwendi vana va Yombi valingile vuvi, ngechi vanapandele kuvana kashitiko kaje kanavapande, na kwendeka lalo ngwendi Yombi kakulahelele kuli Njambi (Yom 8)
Wendekele ngwendi Yombi katanekeyele Njambi (Yom 18)
Wendekele lalo ngwendi kulongwa kunapu kwangocho (Yom 25)

Zofale:

Wapwile kaNamate wa ku kunto ya kangombe kayambi ka Alambiya
Wapwile wa mu chitatu ku kwendeka. Wapwile muka-kuvangeya wa vutenu. Wendekele lika luvali

Kuvangeya kwa makuli:

Wavangeyeye Yombi ngwendi vyuma vyendekele vyapwile vyangocho na kumuleka ngwendi echele vilinga vyendi vyavivi (Yom 11)
Wendekele ngwendi Yombi wapwile munu wa muvi, cho wakele na kuthziva kuvwaha kulinga vuvi (Yom 20)