“Yange Unoye Njitumeni!”

Tunapande kutembwinina sipilitu ya kulyana ya Isaya. Wamwethele likulahelo na kulitavela kumutuma kuya kukalinga chipangi chije kathzivukile ngwendi chikafwa vati. (Isa 6:8) Mwatha kutengululako vimo mu kuyoya kweni mangana mukapangele kuje kuli vujene vwakama vwa vaka-kwambulula vya Vumwene ndi? (Mya 110:3) Munu ayongola kukapangela kuje kuli vujene napande tahi “kulava” nambe ngwetu kuthinganyeka ha vyuma vitondeka. (Luk 14:27, 28) Nameme ngocho, lyaneni mu vipangi vya kwambulula. (Mat 8:20; Mak 10:28-30) Vindiyo ya Vundele ya Kuya na Kupangela Kuje Kuli Vujene Vwakama, yamwetha ngwayo kukwethi chuma chitwatha kwetheketha ku vivethzikitho vituwana mu kupangela Yehova.

OMWO MUMANETHA KUYONGOLA EYI VINDIYO, CHO MUKUMBULE EVI VIHULA:

• Munu na munu wa mu nanga ya va Williams walyanene kulinga vika vije vyathiwithile nanga yoshe kukapangela ku Ecuador?

• Vyuma muka vaakele mu vithinganyeka omwo vakele na kwangula kwa kupangela?

• Vivethzikitho muka vivatambwile?

• Twatha kuwana kuli viñanda vije vyathimutwiya ha kupangela kuje kuli vujene vwakama?

HA THIMBU YA KULEMETHA KWA NANGA, THIMUTWIYENI HA VIHULA EVI:

• Twatha kupanga vati vyavingi mu chipangi cha kwambulula ha kupwa nanga? (km-SK 8/11 4-6)

• Nga kutwatha kuya na kupangela kuje kuli vujene, vika vitwatha kulinga mangana tukwathe chikungulukilo chetu? (w16.03 23-25)