Pangeseni Mavidio Mukutwamenena Bilongesa Byeni bya Mbimbiliya

Kupangesa bimona mesho kukakwasa batukalilongesa nabo bazibisise mwamubwa na kwanuka bitukabalongesa. Yehova, Mulongesi wetu Wakama nendi wapangesele bimona mesho mu kulongesa bisimpi bya seho. (Kus 15:5; Nje 18:1-6) Yesu nendi wapangesele bimona mesho mu kulongesa. (Mat 18:2-6; 22:19-21) Ano matangwa mavidio anapu bimona mesho bije bili na kukwasa manene mu kulongesa banu. Mukapangesa mavidio mu kulongesa bilongesa byeni bya Mbimbiliya ndi?

Kuli mavidio 10 abanabwahesa atwasa kupangesa mu lihya nga tulikwasesa mbuloshuwa ya Muzimbu Waubwa Wakutunda Kuli Njambi! Awa mavidio analitombola na bihula bimo bili omu mu mbuloshuwa. Mu mbuloshuwa ya ha makina banamwesa ha tunapende kumwesela vidio. Co lalo, kuli mavidio akwabo atwasa kupangesa mu lihya nga tupangesa mabulu eka.

Nga cilongesa ceni kazibisisile bimunakala na kusimutwiya nambe nga ali mu ceseko, co mwasa kuya ha jw.org® nambe ha JW Broadcasting® mangana muwane vidio ije imukwasa. Mwasa kuiyongola hamo na cilongesa ceni na kusimutwiyaho.

Mavidio amaha akatuhuka ngonde na ngonde. Omwo muayongola, singanyekeseseni mumwasa kuapangesela mu kulongesa bakweni.