Waneni Simbu ya Kusikama na Baje Bazema Yehova

Mwafwa bika tunapande kusikama simbu yoshe na baje bazema Yehova? Mwafwa banu batusikama nabo simbu yoshe basa kutushongangeya tulinge byuma byabibwa nambe byabibi. (Vis 13:20) Cakumwenako, Mwene Yowashe walingile bije bya zibisile Njambi kubwaha, mwafwa simbu yoshe wakele hamo na Kapilisitu Wakama Yehoyanda. (2 Mi 24:2) Oloni Yehoyanda mwatsile, babusamba bababi bongumwine Yowashe co wecelele kulemesa Yehova.—2 Mi 24:17-19.

Kapositolo Paulu wesekesele cikungulukilo ca baka-Kilistu ku “njubo yakama.” Banu bamu cikungulukilo wabesekesele ku byuma bya mu njubo. Twasa kupwa bikwata bya seho manene mu njubo ya Yehova nga kutulikwatasana na banu baje bakala na bilinga bya bibi ipwe bamu naanga yetu nameme ba mu cikungulukilo. (2 Ti 2:20, 21) Ngeci, tunapande kulikuta busamba na banu baje bazema Yehova, baje batushongangeya kumupangela.

KENGENI VIDIO YA KETI MULIKUTE BUSAMBA NA BANU BA BILINGA BYABIBI, KUTUNDAHO KUMBULULENI BIHULA BINATAKO:

• Twasa kulikwatasana bati na babusamba bababi kwa kujeneka kuzibuka?

• Bika byakwasele baje baka-Kilistu batatu batunamono mu vidio becele kulikwatasana na banu ba bilinga byabibi?

• Binangulo muka bya mu Mbimbiliya byasa kumikwasa mwangule mwamubwa babusamba?