Mwakupangesela Bingila bya Kwendekelamo

Kushwa lika mu January 2018, ha liputa lya kulibanga lya Mukanda wa Biwano wa Buyoye Bwetu Baka-Kilistu na Cipangi Cetu hakakala Bingila bya Kwendekelamo. Twasa kubipangesa bati?

Nga Muli na Ñanda mu Sikola: Munapande kwihula cihula, kutanda cisoneka na kwihula cihula ca bungenzi bukwabo. Oloni oku kukulumbununa ngwabo munapande kupangesa majwi oshe abanapangesa mu vidio imwesa bingila bya kwendekelamo. Munasa kupangesa ngila yeka ya kwendekelamo. Munasa lalo kwana libulu lili mu Cikasha ca Bikwata bya Kupangesa mu Kulongesa nameme ñanda yeni kuyamwesele ngoco.

Nga muli mu Lihya: Bingila bya kwendekelamo banabibwahesela ngwabo bimikwase kuzibuka bimunapande kwendeka. Nga munu nabwahelela, co mwasa kutwalelelaho kusimutwiya nendi kupangesa biñanda bili ha bungenzi bwa kwilukila. Mwasa kutengululako ku bingila bya kwendekelamo nambe kupangesa ngila yeka. Hamo ngila ya kwendekelamo ya ngonde inahu yasa kweta ku mbunge ya banu ba mu citingitingi ceni. Indi hamo banu ba mu citingitingi ceni bashaka kusimutwiya ha byuma bili na kulingiwa. Mwasa kupangesa bingila bya kwendekelamo bya kuliseza-seza. Oloni lingeni ngoco mwafwa ya muzimbu waubwa mangana mwambulwile bakweni.—1 Ko 9:22, 23.