Mwakupangesela Bingila bya Kwendekelamo

Bandolome bakapanga na nzili mukutubwahesela bingila bya kwendekelamo. Co bandolome na bandokazi babangi mu bikungulukilo banalimwena ngwabo kupangesa ebi bingila kunabakwasa bambulwile mwamubwa banu ba mu citingitingi cabo. Oloni mwafwa ya kulisezaseza kwa byuma bili na kulingiwa mu kaye koshe, baka-kwambulula banazituka kupangesa ngila yoshe-yoshe ya kwambulwilamo nambe kusimutwiya ha ñanda yeka ije yeta ku bimbunge bya banu ba mu citingitingi cabo. Nameme ngoco, ha simbu ya kampeni ya kulitila baka-kwambulula boshe banapande kukabangeya bingila bya kwendekelamo bibanamwesa. Cilengo cetu cinapu ca kulinga cipangi ca tushikile Yesu ca kwambulula muzimbu waubwa wa Bumwene—Mat 24:14.

Nga muli na ñanda mu sikola, co munapande kusimutwiya ha bingila bya kwendekelamo bibanamwesa mu Mukanda wa Biwano bya Buyoye na Cipangi Cetu. Oloni baka-kwambulula basa lalo kupangesa cihula ceka, kutanda cisoneka ceka, kwihula cihula ca bungenzi bukwabo ceka nambe kwangula ngila yakwambulwilamo yeka ije ibamona ngwabo yasa kukwasa banu mu citingitingi ceni. Kubanga nga mashiko amwesa ngwawo kubapandele kulinga ngoco. Oku kunatengululako bitwendekele mu mukanda wa biwano wa June 2020 ha liputa 8.