Mutwasa Kukwasela nga Kunasholoka Bukalu

Ano matangwa bukalu bwa kulizila buli na kulibwezelela manene. Nga kunasholoka bukalu bwa kulizila, bakawana bingila byakukwaselamo bandolome na bandokazi baje bali mu bukalu. Mukemwo Cibunga ca Kutwamenena cinabwahesa mangana ha munango na munango hakale Dipatimenti Itala bya Bukalu bwa Kulizila.

Nga bandolome bali omu mu dipatimenti baziba ngwabo kuli bukalu bunasholoka, bakasimutwiya na bakulunu bokwo ku mutambela kunasholoka bukalu mangana bazibuke mubasa kukwasela baka-kwambulula. Co lalo, nga bukalu bwakama manene, baka-munango bakangula bandolome bakuhya ku sipilitu mangana batwamenene mu cipangi ca kwana bukwasi. Aba bandolome basa kulomba bandolome na bandokazi kwakukwasa nambe kubalomba balambule byuma bitondeka nambe kubilandela cimweja na kubyana ku bandolome na bandokazi baje banaliwana mu bukalu.

Byabingi byabibwa byalibungila mu kulinga byuma mu ngila ei. Nga bandolome na bandokazi bashaka kukwasa, banapande kuleka bakulunu. Kulinga ngoco kukwasa keti babiise byuma, keti kukale liwayanga na kujeneka kubiisa bimbongo.

Bandolome bainangula ofisi ya munango bamona bwingi bwa bimbongo na bwingi bwa banu banapande kukwasa. Bisimbu bimo basa kusimutwiya na baka-fulumende baje basa kukwasa mangana cipangi cende bwasi. Ngeci nga kunasholoka bukalu, munu endilika kapandele kukungulula bimbongo nambe kutwala byuma nambe kuya kuje kunasholoka bukalu kubanga nga banamulombo kulinga ngoco.

Nameme ngoco, tunapande kulyana kukwasa nga kunasholoka bukalu. (Heb 13:16) Twazema bandolome na bandokazi betu. Twasa kubakwasa bati? Cuma ca seho citwasa kulinga cinapu kulombelela bandolome betu banaliwana mu bukalu na baje bali na kwana bukwasi. Co lalo, twasa kwana bwana bwa bimbongo mu cipangi ca mu kaye koshe. Cibunga ca Kutwamenena cikaleke maofisi a minango mubasa kupangesela bimbongo mangana bikakwase kuje kutondeka manene bukwasi. Nga netu tushaka kulyana mu cipangi ca kukwasa, co tunapande kushulisilila fomu ya Local Design/Construction Volunteer (DC-50).

KENGENI VIDIO YA LIBAZI LYAKAMA LYAKELEKO MU BRAZIL. KUTUNDAHO, KUMBULULENI ECI CIHULA:

Bika binamizibisa kubwaha mumunamono bukwasi bubanene Bakaleho ba Yehova mukwakele libazi ku Brazil mu 2020?