Mukapangesa Mbimbiliya ya Kurecoda Ndi?

Mbimbiliya ya kurecoda yapwa ika? Mbimbiliya ya kurecoda inapu Mbimbiliya ya Kaye Kakaha ya mu 2013 ije ibanarekoda. Ei Mbimbiliya bali na kuirekoda mu bindaka byabingi, co bakaituhula kabunde-kabundende. Eyi Mbimbiliya yaibwa mwafwa banapangesa banu bakuliseza-seza mu kuitanda. Co lalo banaitanda mungila yaibwa ije ilingisa kupwe kwakwasi kuzibisisa busunga bwa mu Mbimbiliya.

Bukwasi muka bubanawana bamo mu kupangesa eyi Mbimbiliya ya kurecoda? Banu babangi bakatolilila manene ku Mbimbiliya ya kurecoda bakendeka ngwabo ikabakwasa kuzema manene Lijwi lya Njambi. Bakendeka ngwabo kuziba majwi a kuliseza-seza ha banu bakuliseza-seza babandeka mu Mbimbiliya, kukabakwasa kulinga ngwe bali na kumona byuma bibanendeka mu Mbimbiliya mubyakele na kulingiwa na kukabakwasa kuzibisisa bibanasoneka mu Mbimbiliya. (Vis 4:5) Co lalo babangi bakendeka ngwabo kutolilila ku Mbimbiliya ya kurekoda kukabazembeleka nga bali mu bishoti.—Mya 94:19.

Kuziba lijwi lya Njambi mubalinda kwasa kutukwasa manene. (2 Mi 34:19-21) Nga kuli Mbimbiliya ya kurekoda mu ndaka imuzibuka, ipwe mutamba wa Mbimbiliya nambe yoshe ya mutunu, kuma mwasa kulyakela cilengo cakuitolilila-tolilila simbu yoshe ndi?

KENGENI VIDIO YA KUTUHULA MBIMBILIYA YA KURECODA—MUTAMBA WA VIDIO. KUTUNDAHO, KUMBULULENI ECI CIHULA:

Bika binamizibisa manene kubwaha mumunamono cipangi calibungila mu kutuhula Mbimbilya ya kurekoda?