YOYESI YA BAKA-KRISTU
Yehova ali Muyehi na Baje Banazeye
Tubaboshe simbu imo tukalizibi kuzeya. Kuliziba kuzeya kukulumbununa ngwabo tunazeye ku sipilitu. Mwafwa na Yehova bisimbu bimo walizibile kubihya ku mbunge. (Kus 6:5, 6) Batico nga tukalizibi manene kuzeya simbu yoshe?
Lombeni Yehova Mangana Amikwase. Yehova watwaka mbunge, co ashaka kuzibuka mutukalizibila. Akazibuka nga tunabwahelela nambe kuzeya. Akazibisisa byuma bikatulingisa tusinganyeke na kulinga byuma bimo. (Mya 7:9b) Co lalo Yehova akatunyungu na kutukwasa nga tunazeye nambe nga tuli mu bishoti.—Mya 34:18.
Keti musinganyeke manene. Kukala na bisinganyeka bya kuhenga kwasa kutwonowesa kupwa bakubwahelela na kutulingisa keti tulemese mwamubwa Yehova. Ngeci tunapande kunyungilila mbunge yetu.—Vis 4:23.
KENGENI VIDIO YA BANDOLOME NA BANDOKAZI BETU MUBALI NA KULIKUWILA KUKALA MU KWOLOKA NAMEME BAKAZEYE. KUTUNDAHO, KUMBULULENI BIHULA BINATAKO:
Bika byanalingile Nikki bije byamukwasele mwanazeyele?
Bika byalingisile Nikki alizibe ngwendi napandele kuya ku cipatela?—Mat 9:12
Mu bingila muka mwanamweselamo Nikki ngwendi wakulahelele Yehova mangana amukwase?