Banu Boshe Bashaka Kukayoya Mwamubwa Kulutwe
Buyoye bwa cifwa muka bumushaka? Ngwe mwa banu babangi, twakulahela ngwetu mushaka kuyoya mwamubwa na naanga yeni. Mushaka kupwa ba kubwahelela, kupwa ba kulikangula na kukala mu kwoloka. Co lalo mushaka ngweni byuma bimyendele mwamubwa.
Oloni banu babangi bakalizibi ngwabo kubasa kuyoya mubashakela. Banalimwena byuma byabibi bya kufwa ngwe mushongo wa COVID-19 oku bilingiwa. Ou mushongo unakaluwisa buyoye bwa banu, unanenela banu buhutu na kutsiya banu babangi. Ngeci, bakalizibi ngwabo buyoye bwabo kubwasa kupwa bwabubwa.
Banu kubazibuka bilingiwa kulutwe, mukemwo bali na kulinga mwoshe mubasela kushakezeka byuma bije byasa kubakwasa bayoye mwamubwa. Banu bamo bakasinganyeka ngwabo byuma bikalingiwa mu kuyoya kwa banu bikafumu ku minzinzime imo ya nzili. Bakwabo bakasinganyeka ngwabo kuya ku masikola akama na kushakezeka bufuko kubakwasa kuwana byuma byoshe bibashaka. Beka bakasinganyeka ngwabo kupwa lika munu wamubwa kukekwo kubalingisa bayoye mwamubwa.
Kuma ebi byuma byasa kumilingisa muyoye mwamubwa ndi? Nga mushaka kuwana cikumbululo, munapande tahi kukumbulula bihula binatako:
Bika byasa kumilingisa mukayoye mwamubwa?
Kuma kuya ku masikola a helu na kukala na bimbongo byabingi kutulingisa tukayoye mwamubwa ndi?
Kuma kupwa lika munu wamubwa kwasa kumilingisa mukayoye mwamubwa ndi?
Kuli kumwasa kuwana binangulo byasa kumikwasa mukayoye mwamubwa?
Aka Kaposhi ka Kukengela kamikwasa kuwana bikumbululo.